ചെന്നൈ: തമിഴ്‌നാട്ടിൽ പലയിടത്തും ഇന്ന് (നവംബർ 29) ഇടിയോടും മിന്നലോടും കൂടിയ മിതമായ മഴയ്ക്ക് സാധ്യതയുണ്ട് ( Heavy rain). ഡിസംബർ 4 വരെ മിതമായ മഴ തുടരാൻ സാധ്യതയുണ്ടെന്നാണ് കാലാവസ്ഥാ വകുപ്പ് അറിയിച്ചിരിക്കുന്നത്.ചെങ്കൽപട്ട്, വില്ലുപുരം, കടലൂർ, മയിലാടുതുറൈ, നാഗപട്ടണം, തിരുവാരൂർ ജില്ലകളിലും പുതുച്ചേരിയിലും കാരയ്ക്കലിലും ഇന്ന് 21 സെൻ്റീമീറ്ററിലധികം മഴ പെയ്യാൻ സാധ്യതയുണ്ട്. ഈ സാഹചര്യം കണക്കിലെടുത്ത് ഇവിടങ്ങളിൽ റെഡ് അലർട്ട് പ്രഖ്യാപിച്ചിട്ടുണ്ട്
ഇന്ന് 12 സെൻ്റിമീറ്ററിലധികം മഴ പെയ്യാൻ സാധ്യതയുള്ളതിനാൽ ചെന്നൈ, തിരുവള്ളൂർ, കാഞ്ചീപുരം, അരിയല്ലൂർ, തഞ്ചാവൂർ ജില്ലകളിൽ 'ഓറഞ്ച് അലർട്ട്' പ്രഖ്യാപിച്ചിട്ടുണ്ട്.
റാണിപ്പേട്ട്, തിരുവണ്ണാമലൈ, കല്ല്കുറിച്ചി, പേരാമ്പ്ര, ട്രിച്ചി, പുതുക്കോട്ട, ശിവഗംഗ, രാമനാഥപുരം ജില്ലകളിൽ 11 സെൻ്റീമീറ്റർ വരെ കനത്ത മഴയ്ക്ക് സാധ്യതയുണ്ട്.
കനത്ത മഴയ്ക്ക് സാധ്യതയുള്ളതിനാൽ ചെന്നൈ, തിരുവള്ളൂർ, കാഞ്ചീപുരം, ചെങ്കൽപട്ട്, വില്ലുപുരം, കല്ലുറിച്ചി, കടലൂർ, പുതുച്ചേരി ജില്ലകളിൽ നാളെ റെഡ് അലർട്ട് പ്രഖ്യാപിച്ചിട്ടുണ്ട്.
റാണിപ്പേട്ട്, തിരുവണ്ണാമലൈ, പേരാമ്പ്ര, അരിയല്ലൂർ, തഞ്ചാവൂർ, തിരുവാരൂർ, മയിലാടുംതുറൈ, നാഗപട്ടണം, കാരക്കൽ എന്നീ ജില്ലകളിൽ അതിശക്തമായ മഴയ്ക്ക് സാധ്യതയുള്ളതിനാൽ ഇവിടങ്ങളിൽ നാളെ ഓറഞ്ച് അലർട്ട് പ്രഖ്യാപിച്ചിട്ടുണ്ട്.
വെല്ലൂർ, തിരുപ്പത്തൂർ, കൃഷ്ണഗിരി, ധർമപുരി, സേലം, നാമക്കൽ, ട്രിച്ചി, പുതുക്കോട്ട, കരൂർ ജില്ലകളിൽ ഒന്നോ രണ്ടോ സ്ഥലങ്ങളിൽ ശക്തമായ മഴയ്ക്ക് സാധ്യതയുലതയും കാലാവസ്ഥാ വകുപ്പ് പറയുന്നു.
ചെന്നൈയിലും പ്രാന്തപ്രദേശങ്ങളിലും രണ്ടു ദിവസമായി മൂടിക്കെട്ടിയ ആകാശം; ഇന്ന് ചിലയിടങ്ങളിൽ ഇടിയും മിന്നലുമായി അതിശക്തമായ മഴയും നാളെ അതിശക്തമായ മഴയും.