ന്യൂഡൽഹി: ബംഗാൾ ഉൾക്കടലിൽ രൂപപ്പെട്ട ന്യൂനമർദം തീവ്ര ന്യൂനമർദമായി മാറാൻ കാലതാമസം തുടരുകയാണെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു (Tamil Nadu Rain Alert).തെക്കുകിഴക്കൻ ബംഗാൾ ഉൾക്കടലിനോടും ഭൂമധ്യരേഖയോടും ചേർന്ന് കിഴക്കൻ ഇന്ത്യൻ മഹാസമുദ്ര മേഖലയിൽ രൂപംകൊണ്ട ന്യൂനമർദ്ദം അതേ സ്ഥലത്താണ് നിലനിൽക്കുന്നത്. ന്യൂനമർദം ആഴത്തിലുള്ള ന്യൂനമർദമായി മാറുന്നതിൽ കാലതാമസം തുടരുകയാണ്. ന്യൂനമർദം ശക്തിപ്പെടാൻ 24 മണിക്കൂർ കൂടി വേണ്ടിവരും. തുടർന്ന് തമിഴ്നാടിനും ശ്രീലങ്കയ്ക്കും തീരത്തോട് അടുക്കാം എന്നും കേന്ദ്ര കാലാവസ്ഥാ വകുപ്പ് പ്രസ്താവനയിൽ പറഞ്ഞു.
നിലവിലെ സാഹചര്യത്തിൽ ഇന്ന് മുതൽ നാല് ദിവസത്തേക്ക് തമിഴ്നാട്ടിൽ ശക്തമായ മഴയ്ക്ക് സാധ്യതയുണ്ട്. നാഗപട്ടണം, തിരുവാരൂർ, തഞ്ചാവൂർ, മയിലാടുതുറൈ, കടലൂർ ജില്ലകളിലും കാരയ്ക്കൽ മേഖലയിലും ഇന്ന് ശക്തമായ മഴയ്ക്ക് സാധ്യതയുണ്ട്. ഇതിനായി യെല്ലോ 'അലേർട്ട്' പുറപ്പെടുവിച്ചിട്ടുണ്ട്.
ചെന്നൈയിലും പ്രാന്തപ്രദേശങ്ങളിലും ഇന്നും നാളെയും മേഘാവൃതമായിരിക്കും; ചിലയിടങ്ങളിൽ ഇടിയോടും മിന്നലോടും കൂടിയ മിതമായ മഴയ്ക്ക് സാധ്യതയുണ്ട്. നാളെയും മറ്റന്നാളും ചെന്നൈയിലും പ്രാന്തപ്രദേശങ്ങളിലും ശക്തമായ മഴയ്ക്ക് സാധ്യതയുണ്ട്. റിപ്പോർട്ടിലാണ് ഇക്കാര്യം പറയുന്നത്.