പട്‌ന: ബീഹാറിൽ തണുപ്പ് വർധിക്കുന്ന സാഹചര്യത്തിൽ തലസ്ഥാനമായ പട്‌നയിൽ എട്ടുവരെയുള്ള എല്ലാ സ്‌കൂളുകളും അടച്ചിടാൻ ഉത്തരവ് (School Closed in Patna). എട്ടാം ക്ലാസിനു മുകളിലുള്ള എല്ലാ ക്ലാസുകളും രാവിലെ 9 മുതൽ വൈകിട്ട് 3.30 വരെ പ്രവർത്തിക്കും. എട്ട് വരെയുള്ള എല്ലാ ക്ലാസുകളും ജനുവരി 11 വരെ അടച്ചിടാനാണ് ജില്ലാ ഭരണകൂടത്തിൻ്റെ നിർദേശം.
ജില്ലയിൽ അതിശൈത്യവും കുറഞ്ഞ താപനിലയും നിലനിൽക്കുന്നതിനാൽ കുട്ടികളുടെ ആരോഗ്യത്തെയും ജീവിതത്തെയും പ്രതികൂലമായി ബാധിക്കാൻ സാധ്യതയുണ്ട്, അതിനാൽ എട്ടുവരെയുള്ള എല്ലാ സ്‌കൂളുകളും അടച്ചിടാൻ നിർദ്ദേശിക്കുന്നതായാണ് പട്‌ന ജില്ലാ മജിസ്‌ട്രേറ്റ് ചന്ദ്രശേഖർ സിംഗ് പുറപ്പെടുവിച്ച ഉത്തരവിൽ പറയുന്നത്.
11.01.2025 വരെ എല്ലാ സ്വകാര്യ/സർക്കാർ സ്‌കൂളുകളിലും (പ്രീ-സ്‌കൂളുകൾ, അംഗൻവാടി കേന്ദ്രങ്ങൾ ഉൾപ്പെടെ) എട്ടാം ക്ലാസ് വരെയുള്ള വിദ്യാഭ്യാസ പ്രവർത്തനങ്ങൾ നിർത്തിവയ്ക്കണമെന്നും ഉത്തരവിൽ പറയുന്നു.
എട്ടാം ക്ലാസിന് മുകളിലുള്ള ക്ലാസുകളിലെ വിദ്യാഭ്യാസ പ്രവർത്തനങ്ങൾ രാവിലെ 09.00 മുതൽ ഉച്ചകഴിഞ്ഞ് 03.30 വരെ നടത്താമെന്ന് പട്‌ന ഡിഎം ചന്ദ്രശേഖർ സിംഗ് പറഞ്ഞു. ബോർഡ് പരീക്ഷകളുമായി ബന്ധപ്പെട്ട വിദ്യാഭ്യാസ പ്രവർത്തനങ്ങളെ ഇതിൽ നിന്ന് ഒഴിവാക്കും. ഈ ഉത്തരവ് പട്‌ന ജില്ലയിൽ 06.01 മുതൽ പ്രാബല്യത്തിൽ വരുമെന്നും അദ്ദേഹം ഉത്തരവിൽ പറയുന്നു.