ഭുവനേശ്വർ: ശാസ്ത്രീയ ബുദ്ധി ഉപയോഗിച്ച് കിണറ്റിൽ വീണ കാട്ടാനയെ രക്ഷിച്ച് ഒഡീഷയിലെ വനംവകുപ്പ് ഉദ്യോഗസ്ഥർ (Elephant Rescue Archimedes Principle). കിയോഞ്ജർ ജില്ലയിലെ ബനജോഡിയിലാണ് 30 അടി താഴ്ചയുള്ള കിണറ്റിൽ വീണ കൊമ്പനെ ആർക്കിമിഡീസ് തത്വം (Archimedes’ Principle) പ്രയോഗിച്ച് ഉദ്യോഗസ്ഥർ സുരക്ഷിതമായി കരയ്ക്കടുപ്പിച്ചത്. രാത്രിയിൽ ജനവാസ മേഖലയിലൂടെ നീങ്ങുന്നതിനിടെയാണ് ആന അബദ്ധത്തിൽ കിണറ്റിൽ വീണത്.
ആനയെ കരയ്ക്ക് കയറ്റാൻ സാധാരണയായി ഉപയോഗിക്കുന്ന ചരിഞ്ഞ റാമ്പ് നിർമ്മിക്കുന്നതിന് പകരം കിണറ്റിൽ വെള്ളം നിറച്ച് ആനയെ മുകളിലേക്ക് പൊങ്ങിവരാൻ അനുവദിക്കുക എന്ന രീതിയാണ് വനംവകുപ്പ് തിരഞ്ഞെടുത്തത്. കിണറിന്റെ ഭിത്തികൾ ഇടിഞ്ഞുവീഴാനുള്ള സാധ്യതയും കുത്തനെയുള്ള താഴ്ചയും കണക്കിലെടുത്തായിരുന്നു ഈ തീരുമാനം. ഫയർഫോഴ്സിന്റെയും പോലീസിന്റെയും സഹായത്തോടെ രണ്ട് വലിയ പൈപ്പുകൾ ഉപയോഗിച്ച് കിണറ്റിലേക്ക് തുടർച്ചയായി വെള്ളം പമ്പ് ചെയ്തു. വെള്ളം ഉയർന്നതോടെ ആന പതുക്കെ കിണറിന്റെ ഉപരിതലത്തിലേക്ക് പൊങ്ങിവന്നു.
Archimedes principle (floating)won over Inclined plane (ramp) principle as ramp involved risk of wall collapse and despite floating involved risk of drowning in the midst of lethal fall in 30 feet deep well@IPR_Odisha @CMO_Odisha @PCCFWL_Odisha @pccfodisha @moefcc @wti_org_india… pic.twitter.com/CUf6Va1oh1
— Divisional Forest Officer, Keonjhar (T) (@DfoKeonjhar) March 6, 2026
ആന കിണറിന്റെ വക്കിലെത്തിയതോടെ ജെസിബി ഉപയോഗിച്ച് മണ്ണുമാറ്റി കരയുമായി ബന്ധിപ്പിക്കുകയും ആനയെ സുരക്ഷിതമായി പുറത്തെത്തിക്കുകയുമായിരുന്നു. കിണറിൽ വെള്ളം നിറയുമ്പോൾ ആന മുങ്ങിപ്പോകാൻ സാധ്യതയുള്ളതിനാൽ അതീവ ജാഗ്രതയോടെയാണ് ദൗത്യം പൂർത്തിയാക്കിയത്. രക്ഷാപ്രവർത്തനത്തിന്റെ വീഡിയോ സോഷ്യൽ മീഡിയയിൽ വൈറലായതോടെ വനംവകുപ്പിന്റെ സമയോചിതമായ ഇടപെടലിനെ അഭിനന്ദിച്ച് നിരവധി പേർ രംഗത്തെത്തി. ഭൗതികശാസ്ത്രം ഒരു ജീവൻ രക്ഷിച്ചുവെന്നാണ് പലരും ഇതിനെ വിശേഷിപ്പിച്ചത്.
Great team effort of forest ,fire and police department in rescue of male elephant who accidentally felled last night in functioning well in the midle of dense habitation in Banajodi, Sadar range. Water was poured to buoyance elephant up.@CMO_Odisha @ForestDeptt @IPR_Odisha… pic.twitter.com/xXR3fASCKp
— Divisional Forest Officer, Keonjhar (T) (@DfoKeonjhar) March 5, 2026
