ചെന്നൈ: കൃഷ്ണഗിരിയിൽ രണ്ടര വയസ്സുള്ള പെൺകുഞ്ഞിനെ ക്രൂരമായി പീഡിപ്പിച്ചു കൊലപ്പെടുത്തിയ കേസിൽ ഡി.എം.കെ യൂത്ത് വിങ് നേതാവ് പെരിയനായകനെ പോലീസ് അറസ്റ്റ് ചെയ്തു (Krishnagiri Child Murder Case). പ്രതിക്കൊപ്പം താമസിച്ചിരുന്ന യുവതിയുടെ മകളാണ് കൊല്ലപ്പെട്ടത്. ഡിസംബറിൽ നടന്ന കുഞ്ഞിന്റെ മരണത്തിൽ പിതാവ് നൽകിയ പരാതിയാണ് ഞെട്ടിക്കുന്ന വിവരങ്ങൾ പുറത്തുകൊണ്ടുവന്നത്.
ഭർത്താവുമായി വേർപിരിഞ്ഞ് പ്രതിക്കൊപ്പം കഴിഞ്ഞിരുന്ന യുവതിയുടെ മകളെ ഡിസംബറിൽ ശാരീരിക അസ്വാസ്ഥ്യങ്ങളെ തുടർന്ന് ആശുപത്രിയിൽ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു.കുഞ്ഞിന്റെ മരണത്തിൽ ദുരൂഹതയുണ്ടെന്ന് കാണിച്ച് പിതാവ് പോലീസിനെ സമീപിച്ചു. തുടർന്ന് നടത്തിയ പോസ്റ്റ്മോർട്ടത്തിൽ ആന്തരിക അവയവങ്ങൾക്കേറ്റ മാരകമായ ക്ഷതങ്ങൾ കണ്ടെത്തുകയായിരുന്നു.
പോലീസ് ചോദ്യം ചെയ്യലിൽ കുഞ്ഞിനെ താൻ ലൈംഗികമായി പീഡിപ്പിച്ചിരുന്നുവെന്ന് പെരിയനായകൻ സമ്മതിച്ചു. പ്രതിക്കെതിരെ പോക്സോ (POCSO), കൊലപാതകക്കുറ്റം (Murder Charge) എന്നിവ ചുമത്തിയിട്ടുണ്ട്.
പ്രതി ഭരണകക്ഷി പ്രവർത്തകനായതോടെ തമിഴ്നാട് നിയമസഭയിലും പുറത്തും പ്രതിപക്ഷം പ്രതിഷേധം ശക്തമാക്കി. സ്ത്രീകൾക്കും കുട്ടികൾക്കും സംസ്ഥാനത്ത് സുരക്ഷയില്ലെന്ന് എ.ഐ.എ.ഡി.എം.കെ (AIADMK) ആരോപിച്ചു. എന്നാൽ പ്രതിക്ക് യാതൊരു സംരക്ഷണവും നൽകില്ലെന്നും അണ്ണാ സർവകലാശാല പീഡനക്കേസിലെ പോലെ അതിവേഗ വിചാരണയിലൂടെ പരമാവധി ശിക്ഷ ഉറപ്പാക്കുമെന്നും സ്റ്റാലിൻ സർക്കാർ വ്യക്തമാക്കി.
Story Summary: Periyanayakan, a DMK Youth Wing activist, was arrested in Krishnagiri for the sexual assault and murder of a two-and-a-half-year-old girl. The crime came to light after the child’s father suspected foul play in her December death. Post-mortem reports confirmed internal injuries, and the accused confessed to the crime. The incident has sparked a political row in Tamil Nadu.
