ചെന്നൈ: തമിഴ്നാട്ടിൽ ഭരണം നിലനിർത്താൻ ലക്ഷ്യമിട്ട് വമ്പൻ വാഗ്ദാനങ്ങളുമായി ഡിഎംകെ. സാമൂഹിക ക്ഷേമത്തിനും പശ്ചാത്തല വികസനത്തിനും പ്രാധാന്യം നൽകുന്നതാണ് പുതിയ പ്രകടനപത്രിക (DMK Election Manifesto 2026). സ്ത്രീകൾക്കുള്ള പ്രതിമാസ സഹായധനം 2000 രൂപയാക്കി വർദ്ധിപ്പിക്കും. മുതിർന്ന പൗരന്മാർക്കും ഭിന്നശേഷിക്കാർക്കുമുള്ള പെൻഷനും 2000 രൂപയാക്കി ഏകീകരിക്കും. സർക്കാർ സ്കൂളുകളിലെ പ്രഭാതഭക്ഷണ പദ്ധതി എട്ടാം ക്ലാസ് വരെ വ്യാപിപ്പിക്കും. ഉന്നത വിദ്യാഭ്യാസ സ്ഥാപനങ്ങൾ പൂർണ്ണമായും ഡിജിറ്റലൈസ് ചെയ്യും.
കർഷകർക്ക് സൗജന്യ വൈദ്യുതി ഉറപ്പാക്കും. നെൽ കർഷകർക്കുള്ള ധനസഹായം വർദ്ധിപ്പിക്കും. ട്രോളിംഗ് നിരോധന സമയത്ത് മത്സ്യത്തൊഴിലാളികൾക്ക് നൽകുന്ന സഹായം 9000 രൂപയാക്കും. അടുത്ത അഞ്ച് വർഷത്തിനുള്ളിൽ 10,000 പുതിയ ബസുകൾ നിരത്തിലിറക്കും. ഗ്രാമങ്ങളിൽ 15,000 കിലോമീറ്റർ റോഡ് നിർമ്മിക്കും. എല്ലാ ജില്ലകളിലും അത്യാധുനിക സ്റ്റേഡിയങ്ങൾ സ്ഥാപിക്കും.
സ്ത്രീകൾക്ക് ഇലക്ട്രിക് വീട്ടുപകരണങ്ങൾ വാങ്ങുന്നതിനായി 8000 രൂപയുടെ കൂപ്പൺ നൽകും. പഴയ വാഹനങ്ങൾ മാറ്റി വാങ്ങുന്നതിനും പ്രത്യേക പദ്ധതിയുണ്ടാകും.
ബിപിഎൽ കുടുംബങ്ങളെ കണ്ടെത്തി അവർക്ക് ഭവന വായ്പാ സഹായങ്ങൾ നൽകുമെന്നും സർക്കാർ സ്ഥാപനങ്ങളിലെ ഒഴിവുകൾ വേഗത്തിൽ നികത്തുമെന്നും പ്രകടനപത്രികയിൽ ഉറപ്പുനൽകുന്നു.
Short Story Summary:
DMK released its manifesto for the Tamil Nadu Assembly elections, focusing on social welfare and infrastructure. Key promises include increasing monthly financial aid for women to ₹2,000, free electricity for farmers, and expanding the breakfast scheme for students up to Class 8. The party also pledged 10,000 new buses, ₹8,000 coupons for women to buy home appliances, and digitized higher education.
