ന്യൂഡൽഹി: ഡൽഹിയിൽ അമിതവേഗത്തിൽ വന്ന കാർ ബൈക്കിലിടിച്ച് രണ്ട് യുവാക്കൾ മരിച്ചു (Delhi Road Accident). കരവാൾ നഗർ സ്വദേശികളായ രോഹിത് (31), ഹേമന്ത് (33) എന്നിവരാണ് മരിച്ചത്. ഐപിഎൽ മത്സരം കണ്ട് ബൈക്കിൽ വീട്ടിലേക്ക് മടങ്ങുന്നതിനിടെയായിരുന്നു ദാരുണമായ അപകടം.
ഭജൻപുര മെട്രോ സ്റ്റേഷന് സമീപമായിരുന്നു അപകടം നടന്നത്. അമിതവേഗത്തിൽ വന്ന കാർ യുവാക്കൾ സഞ്ചരിച്ചിരുന്ന ബൈക്കിന് പിന്നിൽ ഇടിക്കുകയായിരുന്നു. ഇടിയുടെ ആഘാതത്തിൽ റോഡിലേക്ക് തെറിച്ചുവീണ ഇരുവർക്കും ഗുരുതരമായി പരിക്കേൽക്കുകയും ജീവൻ നഷ്ടപ്പെടുകയും ചെയ്തു.
സംഭവത്തിൽ കാർ ഓടിച്ചിരുന്ന ഹിമാൻഷു (27) എന്നയാളെ പോലീസ് അറസ്റ്റ് ചെയ്തു. ഇയാൾ സഞ്ചരിച്ചിരുന്ന വാഹനവും പോലീസ് കസ്റ്റഡിയിലെടുത്തു.ഫോറൻസിക് വിദഗ്ധർ അപകടസ്ഥലത്തെത്തി പരിശോധനകൾ നടത്തി. അശ്രദ്ധമായും അമിതവേഗത്തിലും വാഹനം ഓടിച്ചതിനാണ് ഡ്രൈവർക്കെതിരെ കേസെടുത്തിരിക്കുന്നത്. സംഭവത്തിൽ കൂടുതൽ അന്വേഷണം പുരോഗമിക്കുകയാണെന്ന് പോലീസ് അറിയിച്ചു.
Story Summary: Two men, Rohit (31) and Hemant (33), were killed in a road accident near Bhajanpura Metro Station in Delhi while returning home after watching an IPL match. Their motorcycle was hit from behind by a speeding car. Police arrested the car driver, Himanshu (27), and seized the vehicle. An investigation is underway.
