ചിക്കബള്ളാപൂർ: കെംപെഗൗഡ ജയന്തി ആഘോഷത്തിനിടെ കോൺഗ്രസ് എംഎൽഎ പ്രദീപ് ഈശ്വറിന് നേരെ ചെരുപ്പേറുണ്ടായതിനെത്തുടർന്ന് ചിക്കബള്ളാപൂരിൽ സംഘർഷാവസ്ഥ. കേന്ദ്രമന്ത്രി എച്ച്.ഡി. കുമാരസ്വാമിക്കെതിരെ എംഎൽഎ നടത്തിയ സമീപകാല പരാമർശങ്ങളിൽ പ്രതിഷേധിച്ചവരാണ് ആക്രമണത്തിന് പിന്നിലെന്ന് സൂചന.(Congress MLA Pradeep Eshwar targeted with slipper throw during event in Chikkaballapur)
ജയന്തി ആഘോഷങ്ങൾക്കിടെ ഒരു വിഭാഗം പ്രവർത്തകർ എംഎൽഎയ്ക്കെതിരെ കൂവുകയും ബഹളം വെക്കുകയും ചെയ്തു. ഇതേത്തുടർന്ന് പ്രദീപ് ഈശ്വർ പരിപാടിയിൽ നിന്ന് ഇറങ്ങിപ്പോകാൻ നിർബന്ധിതനായി. തൊട്ടുപിന്നാലെയാണ് വാഹനത്തിന് നേരെ ചെരുപ്പേറുണ്ടായത്.
സംഭവത്തിൽ ചെരുപ്പെറിഞ്ഞ ആളെയും ഒപ്പമുണ്ടായിരുന്ന മറ്റൊരു വ്യക്തിയെയും പോലീസ് കസ്റ്റഡിയിലെടുത്തു. എംഎൽഎയുടെ സുരക്ഷാ ക്രമീകരണങ്ങൾ പോലീസ് പുനഃപരിശോധിക്കുകയാണ്. സംഭവത്തിൽ പ്രതിഷേധിച്ച് കോൺഗ്രസ് നേതാക്കളും പ്രവർത്തകരും ഡെപ്യൂട്ടി കമ്മീഷണറുടെ വസതിക്ക് മുന്നിൽ പ്രതിഷേധ പ്രകടനം നടത്തി.
Story Summary
Tensions escalated in Chikkaballapur, Karnataka, after a slipper was hurled at Congress MLA Pradeep Eshwar during Kempegowda Jayanti celebrations. The incident, sparked by protesters opposing Eshwar’s recent remarks against Union Minister H.D. Kumaraswamy, led to the detention of two individuals as local Congress supporters demanded enhanced security and stricter legal action.
