Follow on Google News
കാങ്കർ: ഛത്തീസ്ഗഢിലെ കാങ്കർ ജില്ലയിൽ തിങ്കളാഴ്ച പുലർച്ചെയുണ്ടായ ഏറ്റുമുട്ടലിൽ അഞ്ച് ലക്ഷം രൂപ തലയ്ക്ക് വിലയിട്ടിരുന്ന ഉന്നത നക്സൽ കമാൻഡറെ സുരക്ഷാ സേന വധിച്ചു ( Chhattisgarh Naxal Encounter Kanker). ഛോട്ടെ ബെറ്റിയ പോലീസ് സ്റ്റേഷൻ പരിധിയിലെ നിബിഡ വനത്തിനുള്ളിലാണ് ഏറ്റുമുട്ടൽ നടന്നത്.
കാങ്കർ എസ്.പി നിഖിൽ രാഖേച്ച നൽകുന്ന വിവരങ്ങൾ പ്രകാരം, രഹസ്യവിവരത്തെത്തുടർന്ന് സംയുക്ത സുരക്ഷാ സേന പ്രദേശത്ത് തിരച്ചിൽ നടത്തുന്നതിനിടെ നക്സലുകൾ പതിയിരുന്ന് ആക്രമിക്കുകയായിരുന്നു. സേന ശക്തമായി തിരിച്ചടിച്ചു. വെടിവെപ്പ് അവസാനിച്ച ശേഷം നടത്തിയ തിരച്ചിലിലാണ് നക്സൽ ഏരിയ കമ്മിറ്റി മെംഗറും പ്രമുഖ കമാൻഡറുമായ രൂപിയുടെ മൃതദേഹം കണ്ടെത്തിയത്. ഇവരുടെ തലയ്ക്ക് സർക്കാർ അഞ്ച് ലക്ഷം രൂപ പാരിതോഷികം പ്രഖ്യാപിച്ചിരുന്നു.
സംഭവസ്ഥലത്തുനിന്ന് ആയുധങ്ങളും മാവോയിസ്റ്റ് ലഘുലേഖകളും നിത്യോപയോഗ സാധനങ്ങളും സേന കണ്ടെടുത്തിട്ടുണ്ട്. ബസ്തർ ഡിവിഷനിലെ ഈ മേഖലയിൽ പ്രവർത്തിച്ചിരുന്ന ഏറ്റവും മുതിർന്ന നക്സൽ നേതാക്കളിൽ ഒരാളായിരുന്നു റൂപി. ഇവരുടെ മരണം മേഖലയിലെ മാവോയിസ്റ്റ് പ്രവർത്തനങ്ങൾക്ക് വലിയ തിരിച്ചടിയാണെന്ന് ഉദ്യോഗസ്ഥർ വിലയിരുത്തുന്നു. പ്രദേശത്ത് കൂടുതൽ മാവോയിസ്റ്റുകൾ ഒളിച്ചിരിപ്പുണ്ടോ എന്നറിയാൻ സേന തിരച്ചിൽ തുടരുകയാണ്.
Summary: Security forces neutralized a high-ranking Naxal commander, Rupi, carrying a Rs 5 lakh bounty, during an encounter in Chhattisgarh’s Kanker district on Monday morning. Rupi, an Area Committee Member (ACM), was killed during a joint operation under the Chhote Betiya police station limits. Security forces recovered her body along with weapons and Maoist literature. Officials stated that her elimination is a significant blow to Left-Wing Extremism in the Bastar division.
