ന്യൂഡൽഹി : മഹാരാഷ്ട്ര നിയമസഭാ തെരഞ്ഞെടുപ്പിനുള്ള സ്ഥാനാർത്ഥികളുടെ പേരുകൾ ചർച്ച ചെയ്യുന്നതിനുള്ള ബിജെപി കേന്ദ്ര തിരഞ്ഞെടുപ്പ് കമ്മിറ്റി യോഗം ബുധനാഴ്ച വൈകുന്നേരം ഡൽഹിയിലെ ബിജെപി ദേശീയ ആസ്ഥാനത്ത് നടക്കും (BJP Maharashtra ).പ്രധാനമന്ത്രി നരേന്ദ്ര മോദി, ബിജെപി ദേശീയ അധ്യക്ഷൻ ജെപി നദ്ദ. കേന്ദ്ര ആഭ്യന്തര മന്ത്രി അമിത് ഷാ, കേന്ദ്ര വാണിജ്യ-വ്യവസായ മന്ത്രി പിയൂഷ് ഗോയൽ, മുതിർന്ന ബിജെപി നേതാവും കേന്ദ്രമന്ത്രിയുമായ ഭൂപേന്ദർ യാദവ്, കേന്ദ്ര റെയിൽവേ മന്ത്രി അശ്വിനി വൈഷ്ണവ്, മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫഡ്‌നാവിസ്, സംസ്ഥാന അധ്യക്ഷൻ ചന്ദ്രശേഖർ ബവൻകുലെ, മറ്റ് സംസ്ഥാന, സിഇസി അംഗങ്ങൾ എന്നിവർ പങ്കെടുക്കും.
മുംബൈ കോൺഗ്രസ് ജനറൽ സെക്രട്ടറി അജിത് പവാറിൻ്റെ എൻസിപിയിൽ ചേർന്നു; നീക്കം മഹാരാഷ്ട്ര നിയമസഭാ തെരഞ്ഞെടുപ്പിന് ദിവസങ്ങൾ ബാക്കി നിൽക്കെ | Ajit Pawar's NCP
മഹാരാഷ്ട്രയിലെ നിയമസഭാ തെരഞ്ഞെടുപ്പിന് ദിവസങ്ങൾ മാത്രം ബാക്കി നിൽക്കെ മുംബൈ കോൺഗ്രസ് ജനറൽ സെക്രട്ടറി ജാവേദ് ഷ്രോഫ് അജിത് പവാറിൻ്റെ നേതൃത്വത്തിലുള്ള നാഷണലിസ്റ്റ് കോൺഗ്രസ് പാർട്ടിയിൽ (എൻസിപി) ചേർന്നു (Ajit Pawar's NCP). ചൊവ്വാഴ്ച മഹാരാഷ്ട്ര ഉപമുഖ്യമന്ത്രി അജിത് പവാറിൻ്റെയും സംസ്ഥാന എൻസിപി അധ്യക്ഷൻ സുനിൽ തത്കരെയുടെയും സാന്നിധ്യത്തിൽ നടന്ന ചടങ്ങിലാണ് ഷ്രോഫ് അജിത് പവാറിൻ്റെ എൻസിപിയിൽ ചേർന്നത്.
"മുംബൈ കോൺഗ്രസ് സെക്രട്ടറി അൽഹാസ് ജാവേദ് ആർ ഷ്രോഫ് നാഷണലിസ്റ്റ് കോൺഗ്രസ് പാർട്ടിയിൽ ചേർന്നു. ഞാൻ അദ്ദേഹത്തെ പൂർണ്ണഹൃദയത്തോടെ സ്വാഗതം ചെയ്യുന്നു. പാർട്ടിയുടെ ആശയങ്ങൾ പിന്തുടർന്ന് അദ്ദേഹം പൊതുസേവനത്തിന് ഗണ്യമായ സംഭാവന നൽകുമെന്ന് എനിക്ക് ഉറപ്പുണ്ട്" എന്ന് ചടങ്ങിന് പിന്നാലെ എക്‌സിലെ ഒരു പോസ്റ്റിൽ അജിത് പവാർ പറഞ്ഞു.
അതേസമയം, പൂനെ സിറ്റി പ്രസിഡൻ്റ് ദീപക് മങ്കറിന് എംഎൽസി സ്ഥാനം നൽകാത്ത ഗവർണറുടെ തീരുമാനത്തിൽ പൂനെ സിറ്റി യൂണിറ്റിലെ 600-ലധികം പാർട്ടി പ്രവർത്തകരും ഉദ്യോഗസ്ഥരും രാജിവച്ചതോടെ അജിത് പവാറിൻ്റെ നാഷണലിസ്റ്റ് കോൺഗ്രസ് പാർട്ടി (എൻസിപി) ചൊവ്വാഴ്ച വലിയ തിരിച്ചടിനേരിടുകയും ചെയ്തു .