തുമകൂർ: കർണാടകയിലെ തുംകൂർ താലൂക്കിലെ കോരയ്ക്ക് സമീപമുള്ള, ഒബൽപൂർ ഗേറ്റിനടുത്തായി ബൈക്കും ട്രാക്ടറും കൂട്ടിയിടിച്ച് ഇന്ത്യ അപകടത്തിൽ ഒരേ കുടുംബത്തിലെ മൂന്ന് പേർക്ക് ദാരുണാന്ത്യം. ചൊവ്വാഴ്ച രാവിലെയാണ് അപകടമുണ്ടായത്.
മധുഗിരി താലൂക്കിലെ പുരവരയിലെ ഹൊബാലി ഗോണ്ടിഹള്ളി വില്ലേജിലെ മംതാസ് (38), ഷാക്കിർ ഹുസൈൻ (48), മുഹമ്മദ് ആസിഫ് (12) എന്നിവരാണ് മരിച്ചത്.
തുമകൂരിൽ നിന്ന് മധുഗിരി ഭാഗത്തേക്കുള്ള യാത്രയ്ക്കിടെ ബൈക്ക് റോഡിലൂടെ പോവുകയായിരുന്ന ട്രാക്ടറുമായി കൂട്ടിയിടിച്ച് സംഭവസ്ഥലത്ത് വെച്ച് തന്നെ ഇവർ മരണപ്പെടുകയായിരുന്നു എന്നാണ് റിപ്പോർട്ട്. സംഭവത്തിൽ റൂറൽ പോലീസ് സ്റ്റേഷനിൽ കേസ് രജിസ്റ്റർ ചെയ്തിട്ടുണ്ട്.
ജില്ലാ പോലീസ് സൂപ്രണ്ട് കെ.വി.അശോക്, ഡി.വൈ.എസ്.പി കെ.ആർ. ചന്ദ്രശേഖരൻ എന്നിവർ സ്ഥലത്തെത്തി പരിശോധന നടത്തി. മൃതദേഹങ്ങൾ ജില്ലാ ആശുപത്രി മോർച്ചറിയിലേക്ക് മാറ്റി. കനത്ത മൂടൽമഞ്ഞ് കാരണം റോഡ് കാണാൻ കഴിയാത്തതാണ് അപകടകാരണമെന്ന് പറയപ്പെടുന്നു,