ഇന്ത്യയിലെ എല്ലാ ദരിദ്രർക്കും സൗജന്യ ആരോഗ്യ ഇൻഷുറൻസ് പദ്ധതിയായി ആരംഭിച്ച 'ആയുഷ്മാൻ ഭാരത് പദ്ധതി' ഇപ്പോൾ 70 വയസും അതിൽ കൂടുതലുമുള്ള എല്ലാ മുതിർന്ന പൗരന്മാർക്കും സൗജന്യ ആരോഗ്യ ഇൻഷുറൻസ് നൽകുന്നതിനായി വിപുലീകരിച്ചു (Ayushman Bharat health insurance). 5 ലക്ഷം സൗജന്യ മെഡിക്കൽ ഇൻഷുറൻസ് ആനുകൂല്യം ലഭിക്കുന്നതാണ് പദ്ധതി.
AB BM – JAY എന്ന ചുരുക്കപ്പേരിൽ, ഗുണഭോക്താക്കൾക്ക് ഈ സ്കീമിൽ എങ്ങനെ രജിസ്റ്റർ ചെയ്യാമെന്ന് നോക്കാം…
* 70 വയസ്സിന് മുകളിലുള്ള എല്ലാവർക്കും അവരുടെ സാമ്പത്തിക സാമൂഹിക പശ്ചാത്തലം പരിഗണിക്കാതെ ആയുഷ്മാൻ ഭാരത് പ്രധാൻ മന്ത്രി ജൻ ആരോഗ്യ യോജന ആനുകൂല്യങ്ങൾക്ക് അർഹതയുണ്ട്.
* ആധാർ കാർഡിൽ രേഖപ്പെടുത്തിയിരിക്കുന്ന ജനനത്തീയതി പ്രകാരം 70 വയസ്സ് പൂർത്തിയായ ഒരാൾക്ക് ഈ പദ്ധതി പ്രകാരമുള്ള ആനുകൂല്യങ്ങൾക്ക് അപേക്ഷിക്കാം.
* സ്വകാര്യ ആരോഗ്യ ഇൻഷുറൻസ് ഉടമകൾക്കും ഈ പദ്ധതി പ്രകാരം ആനുകൂല്യം ലഭിക്കും.
* മുതിർന്ന പൗരന്മാർക്ക് കേന്ദ്ര ഗവൺമെൻ്റ് ഹെൽത്ത് സ്കീം (സിജിഎച്ച്എസ്) കാർഡ്, എക്സ്-സർവീസ്മെൻ കോൺട്രിബ്യൂട്ടറി ഹെൽത്ത് സ്കീം (ഇസിഎച്ച്എസ്), ആയുഷ്മാൻ സെൻട്രൽ ആംഡ് ഫോഴ്സസ് സ്കീം എന്നിവയ്ക്ക് കീഴിൽ അവരുടെ മെഡിക്കൽ കവർ ഉണ്ടെങ്കിൽ
നിങ്ങൾക്ക് അതേ സ്കീമിൽ തുടരാം അല്ലെങ്കിൽ BM-JAY സ്കീമിലേക്ക് മാറാം.
* പ്രൈവറ്റ് ഹെൽത്ത് ഇൻഷുറൻസ് അല്ലെങ്കിൽ സ്റ്റേറ്റ് ഇൻഷുറൻസ് സ്‌കീമിന് (ഇഎസ്ഐ) കീഴിൽ എൻറോൾ ചെയ്‌തിരിക്കുന്നവർക്കും AP BM-JAY സ്കീമിൻ്റെ ആനുകൂല്യം ലഭിക്കാൻ അർഹതയുണ്ട്.
* അംഗീകൃത സർക്കാർ, സ്വകാര്യ ആശുപത്രികളിലും സ്കീം ആനുകൂല്യങ്ങൾക്കായി ലിസ്റ്റ് ചെയ്തിട്ടുള്ള ക്ലിനിക്കുകളിലും മാത്രമേ ഗുണഭോക്താവിന് ചികിത്സ ലഭിക്കൂ. പട്ടികയിൽ ഉൾപ്പെടാത്ത ആശുപത്രികളിലെ ചികിത്സയാണെങ്കിൽ, ഇൻഷുറൻസ് സ്കീം വഴി തുക തിരികെ നൽകാനാവില്ല.
* ആശുപത്രിയിൽ പ്രവേശിപ്പിക്കുന്നതിന് 3 ദിവസത്തെ മെഡിക്കൽ പരിശോധനയ്ക്കും ചികിത്സയ്ക്കുമുള്ള ചെലവും ആശുപത്രിയിൽ പ്രവേശിപ്പിച്ച ദിവസം മുതൽ 15 ദിവസത്തേക്കുള്ള മെഡിക്കൽ പരിശോധനയും ചികിത്സയും ഇൻഷുറൻസ് സൗകര്യത്തിൻ്റെ പരിധിയിൽ വരും.
* മെഡിക്കൽ ഇൻഷുറൻസ് സൗകര്യം ലഭിക്കുന്ന ദിവസം മുതൽ ഏതെങ്കിലും അസുഖത്തിന് കാത്തിരിപ്പ് കാലയളവില്ലാതെ ആനുകൂല്യങ്ങൾ ലഭിക്കുമെന്നതാണ് ഈ പദ്ധതിയുടെ മറ്റൊരു സവിശേഷത.
* കേന്ദ്ര അല്ലെങ്കിൽ സംസ്ഥാന ഗവൺമെൻ്റ് മെഡിക്കൽ ഇൻഷുറൻസ് സ്കീം നേടിയ ഒരാൾ എബി ബിഎം ജെഎവൈ സ്കീമിലേക്ക് മാറുകയാണെങ്കിൽ, അതിനുശേഷം പഴയ മെഡിക്കൽ ഇൻഷുറൻസ് പദ്ധതിയിലേക്ക് മടങ്ങാൻ കഴിയില്ല. ഒന്ന് സറണ്ടർ ചെയ്താൽ മാത്രമേ നിങ്ങൾക്ക് പുതിയ പ്ലാനിലേക്ക് മാറാൻ കഴിയൂ.
എങ്ങനെ രജിസ്റ്റർ ചെയ്യാം?
യോഗ്യരായ ഉദ്യോഗാർത്ഥികൾക്ക് BMJAY, ആയുഷ്മാൻ ഭാരത് മൊബൈൽ ആപ്ലിക്കേഷൻ വഴി ഈ സ്കീമിനായി രജിസ്റ്റർ ചെയ്യാം. ഇതിന് ആധാർ കാർഡ് നിർബന്ധമാണ്.
ഗുണഭോക്താവിന് https://beneficiary.nha.gov.in എന്ന വെബ്സൈറ്റ് സന്ദർശിച്ചും ആൻഡ്രോയിഡ് ഗൂഗിൾ പ്ലേ സ്റ്റോറിൽ ആയുഷ്മാൻ ആപ്പ് ഡൗൺലോഡ് ചെയ്തും അപേക്ഷിക്കാം.
ഗുണഭോക്താവ് തൻ്റെ ആധാർ നമ്പർ വിശദാംശങ്ങൾ BM-JAY വെബ്‌സൈറ്റിൽ നൽകുകയും EKYC നടപടിക്രമം അനുസരിച്ച് തന്റെ ഐഡൻ്റിറ്റി പരിശോധിക്കുകയും , വിശദാംശങ്ങൾ അപ്‌ലോഡ് ചെയ്തിട്ടുണ്ടെന്ന് ഉറപ്പാക്കുകയും വേണം. ഗുണഭോക്തൃ വിവരങ്ങളും ഐഡൻ്റിറ്റിയും സ്ഥിരീകരിച്ച വ്യക്തിക്ക് പ്രത്യേക ആയുഷ്മാൻ ഭാരത് ഐഡൻ്റിറ്റി കാർഡ് നൽകും.
മൊബൈൽ ആപ്പ് വഴി രജിസ്റ്റർ ചെയ്യാൻ ബുദ്ധിമുട്ടുള്ളവർക്ക് പൊതുജനാരോഗ്യ കേന്ദ്രങ്ങളും, പൊതു സേവന കേന്ദ്രങ്ങളും വഴി ആധാർ
കാർഡ് നൽകിയാൽ, അവിടെ രജിസ്റ്റർ ചെയ്യാൻ അവരെ സഹായിക്കും.
അപേക്ഷകൻ്റെ വിശദാംശങ്ങൾ പരിശോധിച്ചുറപ്പിച്ചുകഴിഞ്ഞാൽ, ഇ-കോഡ് ഉടൻ തന്നെ അപേക്ഷകന് ലഭ്യമാകും. ഇത് ഉപയോഗിച്ച് നിങ്ങൾക്ക് മെഡിക്കൽ ഇൻഷുറൻസിൻ്റെ ആനുകൂല്യങ്ങൾ ലഭിക്കും.