ബെംഗളൂരു: ഷിരൂരിലെ മണ്ണിടിച്ചിലിൽ കാണാതായ കോഴിക്കോട് സ്വദേശി ലോറി ഡ്രൈവർ അർജുൻ ഉൾപ്പെടെയുള്ള മൂന്നുപേർക്കായുള്ള തെരച്ചിലിന് വീണ്ടും തടസ്സം.(Arjun Mission updates)
കേന്ദ്ര കാലാവസ്ഥാ വകുപ്പ് അടുത്ത മൂന്നു ദിവസം ഉത്തര കന്നഡ ജില്ലയിൽ കനത്ത മഴ മുന്നറിയിപ്പാണ് നൽകിയിട്ടുള്ളത്. ഷിരൂരിലെ തെരച്ചിലിന് ഇത് പ്രതിസന്ധി സൃഷ്ടിച്ചേക്കും. ഡ്രഡ്ജര്‍ ഉപയോഗിച്ചുള്ള തെരച്ചിലും തടസപ്പെടും.
ഗംഗാവലി പുഴയിലെ അടിയൊഴുക്ക് വർധിച്ചാൽ ഡ്രഡ്ജിങ് തടസപ്പെട്ടേക്കാം. മഴയെത്തുടർന്ന് ഡ്രഡ്ജര്‍ കമ്പനി ഡൈവർമാർ, നാവിക സേനയുടെ ഡൈവർമാർ എന്നിവർ പുഴയിലിറങ്ങുന്നതിനും തടസം നേരിട്ടേക്കാം.