ലഖ്നൗ: ഉത്തർപ്രദേശിലെ ഫറുഖാബാദ്, മൈൻപൂരി ജില്ലകളിലെ സ്കൂളുകളിൽ വിതരണം ചെയ്ത ആൽബെൻഡസോൾ ഗുളിക കഴിച്ചതിന് പിന്നാലെ 120-ലധികം വിദ്യാർത്ഥികളെ ആശുപത്രിയിൽ പ്രവേശിപ്പിച്ചു. ദേശീയ വിരവിമുക്ത ദിനത്തിന്റെ ഭാഗമായി ഗുളിക കഴിച്ച വിദ്യാർത്ഥികൾക്ക് തലവേദനയും ഛർദ്ദിയും അനുഭവപ്പെടുകയായിരുന്നു.(About 120 students hospitalized after consuming Albendazole pills in UP)
ഫറുഖാബാദിലെ കമൽഗഞ്ച് ബ്ലോക്കിലുള്ള ജവഹർലാൽ പ്രേമാദേവി സ്കൂളിലെ വിദ്യാർത്ഥികൾക്കാണ് കൂടുതൽ ശാരീരിക അസ്വസ്ഥതകൾ ഉണ്ടായത്. ഗുളിക കഴിച്ച ഉടൻ തന്നെ പല കുട്ടികൾക്കും ഛർദ്ദിയും കഠിനമായ തലവേദനയും അനുഭവപ്പെട്ടു. ആരുടെയും നില ഗുരുതരമല്ലെന്നാണ് വിവരം. സംഭവത്തിൽ അന്വേഷണം ആരംഭിച്ചു.
