ഓരോ ദിവസവും പുതുപുത്തൻ ഊർജ്ജത്തോടെ തുടങ്ങാൻ നമ്മുടെ ജീവിതശൈലിയിൽ ചില മാറ്റങ്ങൾ വരുത്തുന്നത് ഗുണകരമാണ് (Morning Routine Tips). ഇതിനായി ശ്രദ്ധിക്കേണ്ട പ്രധാന കാര്യങ്ങൾ താഴെ പറയുന്നവയാണ്:
- അലാറം ശീലങ്ങളിൽ മാറ്റം വരുത്തുക: അലാറം അടിച്ചാലുടൻ ‘സ്നൂസ്’ ബട്ടൺ അമർത്തുന്നത് ഒഴിവാക്കുക. പകരം, അലാറം കിടക്കയിൽ നിന്നും അല്പം ദൂരെ വെക്കുക. ഇത് അലാറം നിർത്താനായി എഴുന്നേറ്റ് നടക്കാൻ നിങ്ങളെ പ്രേരിപ്പിക്കുകയും പെട്ടെന്ന് ഉറക്കം ഉണരാൻ സഹായിക്കുകയും ചെയ്യും.
- കിടക്ക വൃത്തിയാക്കുക: ഉണർന്നാലുടൻ കിടക്ക വിരികൾ ഒതുക്കി വെക്കുന്നത് അന്ന് ചെയ്യേണ്ട കാര്യങ്ങളിൽ ആദ്യത്തേത് വിജയകരമായി പൂർത്തിയാക്കിയെന്ന തോന്നൽ നൽകും. ഇത് മാനസികമായ ഉന്മേഷത്തിന് സഹായിക്കും.
- വെള്ളം കുടിക്കുക: രാവിലെ കാപ്പി കുടിക്കുന്നതിന് മുൻപായി കുറഞ്ഞത് ഒരു ഗ്ലാസ് വെള്ളമെങ്കിലും കുടിക്കുക. ഉറക്കത്തിനിടയിൽ നഷ്ടപ്പെട്ട ജലാംശം തിരിച്ചുപിടിക്കാനും ശരീരത്തെ കൂടുതൽ ഉണർവുള്ളതാക്കാനും ഇത് സഹായിക്കും.
- തണുത്ത വെള്ളത്തിലെ കുളി: തണുത്ത വെള്ളത്തിൽ കുളിക്കുന്നത് രക്തസമ്മർദ്ദവും ഹൃദയമിടിപ്പും ക്രമപ്പെടുത്തി കോശങ്ങളെ ഉണർത്താൻ സഹായിക്കും. ഇത് സാധിക്കാത്തവർ മുഖം തണുത്ത വെള്ളത്തിൽ കഴുകുന്നതും നല്ലതാണ്.
- ആരോഗ്യകരമായ പ്രഭാതഭക്ഷണം: പ്രോട്ടീൻ ധാരാളമായി അടങ്ങിയ ഭക്ഷണം രാവിലെ കഴിക്കുന്നത് ഊർജ്ജം വർദ്ധിപ്പിക്കും. മുട്ട, പയറുവർഗ്ഗങ്ങൾ എന്നിവ ഭക്ഷണത്തിൽ ഉൾപ്പെടുത്തുക. അമിതമായി മധുരമുള്ളതും പ്രോസസ്സ് ചെയ്തതുമായ ഭക്ഷണങ്ങൾ ഒഴിവാക്കുന്നതാണ് ഉചിതം.
- ലഘുവായ വ്യായാമം: രാവിലെ യോഗയോ ലളിതമായ നടത്തമോ ശീലമാക്കുക. ഇത് ശരീരത്തിലെ പേശികളുടെ മുറുക്കം കുറയ്ക്കാനും രക്തയോട്ടം വർദ്ധിപ്പിക്കാനും സഹായിക്കും.
- മുൻകൂട്ടി ആസൂത്രണം ചെയ്യുക: അടുത്ത ദിവസം ചെയ്യേണ്ട കാര്യങ്ങളെക്കുറിച്ച് തലേദിവസം തന്നെ ഒരു ‘ടു-ഡൂ ലിസ്റ്റ്’ (To-do list) തയ്യാറാക്കുക. ഇത് രാവിലെ ഉണ്ടാകാനിടയുള്ള അനാവശ്യ സമ്മർദ്ദം കുറയ്ക്കാൻ സഹായിക്കും.
