പാലക്കാട്: ചിറ്റൂർ പുഴയിലെ ഷണ്‍മുഖം കോസ് വേയിൽ ഓവിനുള്ളിൽ അകപ്പെട്ട് യുവാവിന് ദാരുണാന്ത്യം. കോയമ്പത്തൂർ സ്വദേശികളായ രണ്ടുപേരാണ് അപകടത്തിൽ പെട്ടത്. ഇവരിൽ ശ്രീഗൗതം എന്ന യുവാവാണ് മരിച്ചത്. പുഴയിൽ കാണാതായ അരുണിനായി തിരച്ചിൽ തുടരുന്നു. ശ്രീഗൗതമിനെ പുറത്തെടുത്ത് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.ചിറ്റൂരിൽനിന്നുള്ള ഫയർഫോഴ്സ് സംഘവും പോലീസും ചേർന്ന് രക്ഷാപ്രവർത്തനം നടത്തി. ഇതിന് പിന്നാലെയാണ് സ്കൂബാ സംഘവും പരിശോധനയ്ക്ക് ഇറങ്ങിയത്.പത്തംഗ വിദ്യാർഥിസംഘമാണ് കോയമ്പത്തൂരിൽനിന്ന് ഇവിടെ എത്തിയതെന്നാണ് വിവരം.