തൃശൂർ : കുന്നംകുളത്ത് യൂത്ത് കോൺഗ്രസ് പ്രവർത്തകനെ പോലീസുകാർ അതിക്രൂരമായി മർദ്ദിച്ച സംഭവത്തിൽ പ്രതികൾക്ക് പോലീസ് കവചം. യൂത്ത് കോൺഗ്രസ് ചൊവ്വന്നൂർ മണ്ഡലം പ്രസിഡന്റ് വി എസ് സുജിത്തിനെ മർദ്ദിച്ച പോലീസുകാർക്കെതിരെ ദുർബ്ബല വകുപ്പുകളാണ് ചുമത്തിയിരിക്കുന്നത്. (Youth Congress leader attacked by police in Thrissur)
ദൃശ്യങ്ങൾ പുറത്തുവന്നിട്ടും ഒരു വർഷം മാത്രം തടവ് ലഭിക്കുന്ന കുറ്റമാണ് ചുമത്തിയിരിക്കുന്നത്. ഐപിസി 323 കൈ കൊണ്ടടിച്ചു എന്ന വകുപ്പാണിത്. 2 വർഷത്തെ നിയമപോരാട്ടത്തിന് ശേഷമാണ് വിവരാവകാശ കമ്മീഷൻ്റെ ഉത്തരവ് പ്രകാരം സി സി ടി വി ദൃശ്യങ്ങൾ പുറത്ത് വന്നത്.
സംഭവത്തിൽ 2 ശിക്ഷ പറ്റില്ലെന്ന് പൊലീസിന് നിയമോപദേശം ലഭിച്ചു. 3 വർഷത്തേക്ക് നാല് പോലീസുകാരുടെയും പ്രൊമോഷൻ തടയുകയും, 2 വർഷത്തേക്ക് ഇൻക്രിമെന്റ് തടയുകയും ചെയ്തു.