കല്‍പ്പറ്റ : വിൽപനക്കായി എത്തിച്ച മെത്താഫിറ്റമിനുമായി യുവാവ് അറസ്റ്റിൽ. കല്‍പ്പറ്റ മുണ്ടേരി താന്നിക്കല്‍ വീട്ടില്‍ ടി.കെ വേണുഗോപാല്‍ (32) നെ യാണ് പൊലീസും ലഹരിവിരുദ്ധ സ്‌ക്വാഡും ചേര്‍ന്ന് പിടികൂടിയത്.
ഇന്നലെ വൈകുന്നേരത്തോടെ കല്‍പ്പറ്റക്കടുത്ത വെങ്ങപ്പള്ളി പഞ്ചാബ് മുസ്ലിം പള്ളിക്ക് സമീപത്ത് വെച്ച് പ്രതി പിടിയിലായത്. പൊലീസിനെ കണ്ടപ്പോള്‍ പരുങ്ങിയ യുവാവിനെ ചോദ്യം ചെയ്തപ്പോള്‍ സംശയം തോന്നി പരിശോധന നടത്തുകയായിരുന്നു.
പാന്റ്‌സിന്റെ വലത് പോക്കറ്റില്‍ നിന്നുമാണ് 9.25 ഗ്രാം മെത്തഫിറ്റമിന്‍ കണ്ടെടുത്തത്. പ്രതി മുന്‍പ് നിരവധി ലഹരിക്കടത്ത് കേസുകളില്‍ പ്രതിയായിട്ടുള്ളയാളാണെന്ന് പൊലീസ് പറഞ്ഞു.