മൂവാറ്റുപുഴ : എംഡിഎംഎയുമായി യുവാവ് എക്‌സൈസ് പിടിയില്‍. പേഴയ്ക്കാപ്പിള്ളി തണ്ടിയേക്കല്‍ ഷാമോന്‍(28) നെയാണ് അറസ്റ്റ് ചെയ്‌തത്‌. ഇയാളുടെ പക്കൽ നിന്നും 1.42 ഗ്രാം എംഡിഎംഎ ഉദ്യോഗസ്ഥർ പിടിച്ചെടുത്തു.
പേഴക്കാപ്പിള്ളിയിൽ അന്വേഷണത്തിന് എത്തിയ എക്‌സൈസ് സംഘത്തെ കണ്ട് ഒരു കിലോമീറ്ററോളം ഓടിയ ഷാമോൻ കൈയിലുണ്ടായിരുന്ന എംഡിഎംഎ കെഎസ്ഇബിയുടെ മതില്‍ക്കെട്ടിനുള്ളിലേയ്ക്ക് എറിഞ്ഞു. നാട്ടുകാരും എക്‌സൈസ് സംഘവും നടത്തിയ തിരച്ചിലിൽ എംഡിഎംഎ കണ്ടെത്തി.
പ്രതിയുടെ മൊബൈല്‍ ഫോണും എക്‌സൈസ് പിടിച്ചെടുത്തു. ലഹരി ഇടപാട് നടത്തുവാന്‍ ഇയാൾ മറ്റുള്ളവരുമായി വിളിച്ച ഫോണ്‍ സംഭാഷണവും കണ്ടെത്തി.