മലപ്പുറം : മലപ്പുറം കൊണ്ടോട്ടിയിൽ എം.ഡി.എം.എ പിടികൂടിയ കേസിൽ ഒരാൾ കൂടി പിടിയിൽ. പുളിക്കൽ സ്വദേശി ശിഹാബുദീനെയാണ് അറസ്റ്റ് ചെയ്തത്. 153 ഗ്രാം എംഡിഎംഎയും അരലക്ഷം രൂപയും ഇലക്ട്രോണിക് ത്രാസുകളും പ്രതിയിൽ നിന്നും കണ്ടെത്തിയത്.
ഈ കേസിൽ അഞ്ചാം പ്രതിയാണ് ശിഹാബുദ്ദീൻ. കോഴിക്കോട് എംഡിഎംഎ വിൽപ്പനക്കുള്ള ശ്രമത്തിനിടയിലാണ് മെഡിക്കൽ കോളേജ് പൊലീസ് പ്രതിയെ പിടികൂടി ഡാൻസാഫ് ടീമിന് കൈമാറിയത്.
ഇതോടെ കൊണ്ടോട്ടി എം ഡി എം എ കേസില് പിടിയിലായവരുടെ എണ്ണം ആറായി. കേസിൽ ഇനി ഒരാൾ കൂടി പിടിയിലാവാനുണ്ട്.