കൊച്ചി : എറണാകുളത്ത് എംഡിഎംഎയുമായി യുവാവ് പിടിയിൽ. ഇടപ്പള്ളി ആസാദ് റോഡ് ബ്ലായിപ്പറമ്പ് വീട്ടിൽ ഇഹ്ജാസിനെയാണ് (25 ) ഡാൻസാഫ് ടീം പിടികൂടിയത്. ഇടപ്പള്ളി ഭാഗത്ത് എം ഡി എം എ വിൽപ്പന നടക്കുന്നുവെന്ന രഹസ്യ വിവരം പൊലീസിന് നേരത്തെ ലഭിച്ചിരുന്നു.
പ്രതിയെ ദേഹപരിശോധന നടത്തിയപ്പോഴാണ് ഉടുപ്പിലെ കീശയിൽ സൂക്ഷിച്ച നിലയിൽ എം ഡി എം എ കണ്ടെടുത്തത്. പിടിച്ചെടുത്ത എംഡിഎംഎയ്ക്ക് 3.67 ഗ്രാം തൂക്കം വരും. ഇയാളെ പിന്നീട് ലോക്കൽ പൊലീസിന് കൈമാറി. വൈദ്യ പരിശോധന അടക്കം നടപടി ക്രമങ്ങൾ പൂർത്തിയാക്കിയ ശേഷം പ്രതിയെ കോടതിയിൽ ഹാജരാക്കി. കോടതി ഇയാളെ റിമാൻഡ് ചെയ്തു.