മലപ്പുറം : കൊണ്ടോട്ടിയിൽ എംഡിഎംഎയും കഞ്ചാവുമായി യുവാവിനെ അറസ്റ്റ് ചെയ്തു. കൊണ്ടോട്ടി ചുങ്കം സ്വദേശി ഓടക്കൽ അഫ്സലാണ് പിടികൂടിയത്.
ഡാൻസാഫും പോലീസും ചേര്‍ന്ന് അഫ്സലിന്‍റെ വീട്ടിൽ നടത്തിയ റെയ്ഡിലാണ് എംഡിഎംഎയും കഞ്ചാവും പിടികൂടിയത്. ഇയാളുടെ വീട്ടിൽ നിന്ന് 35 ഗ്രാം എംഡിഎംഎയും മൂന്ന് കിലോ കഞ്ചാവും പോലീസ് കണ്ടെത്തി.
32000 ത്തോളം രൂപയും ഇലക്ട്രിക്ക് ത്രാസുകളും അഫ്സലിൻറെ വീട്ടിൽ നിന്ന് പിടിച്ചെടുത്തിട്ടുണ്ട്. കൊലപാതകശ്രമം ഉൾപ്പെടെയുള്ള കേസുകളിൽ പ്രതിയാണ് അഫ്സൽ.