തൃശൂര്‍ : ഹാഷിഷ് ഓയിലും കള്ള നോട്ടുകളുമായി യുവാവ് പിടിയില്‍. കുന്നംകുളം സ്റ്റേഷന്‍ റൗഡിയായ കേച്ചേരി സ്വദേശി ദയാലിനെയാണ് പൊലീസ് അറസ്റ്റ് ചെയ്തത്. ചന്തപ്പുരയിലുള്ള അപാര്‍ട്‌മെന്‍റില്‍ വില്പനയ്ക്കായി കൊണ്ടുവന്നതായിരുന്നു ഹാഷിഷ് ഓയില്‍.
500 രൂപയുടേയും 200 രൂപയുടേയും വ്യാജ നോട്ടുകളും പരാതിയിൽ നിന്നും ഉദ്യോഗസ്ഥർ കണ്ടെത്തി.ദയാലിനെതിരെ 97 ഗ്രാം തൂക്കം വരുന്ന മയക്കുമരുന്ന് കൈവശം വെച്ചതിന് തൃശൂര്‍ ഈസ്റ്റ് പൊലീസ് സ്റ്റേഷനില്‍ 2022ല്‍ കേസുണ്ട്.
മയക്കുമരുന്നിന്‍റെയും വ്യാജ കറന്‍സിയുടെയും ഉറവിടത്തേക്കുറിച്ച് കൂടുതല്‍ അന്വേഷിച്ചു വരുന്നതായി പൊലീസ് പറഞ്ഞു.