കോഴിക്കോട് : യുവതിയെ വിവാഹവാഗ്ദാനം നല്‍കി പീഡിപ്പിച്ച കേസിൽ പ്രതി അറസ്റ്റ് ചെയ്തു. കൂത്താളി മൊയോര്‍ കുന്നുമ്മല്‍ അജിന്‍ ആണ് പിടിയിലായത്. 2020ല്‍ ഇന്‍സ്റ്റഗ്രാമിലൂടെ പരിചയപ്പെട്ട 28കാരിയായ യുവതിയെയാണ് അജിന്‍ പീഡിപ്പിച്ചത്.
വിവാഹം ചെയ്യാമെന്ന് വാക്കുനല്‍കി തന്നെ ബാംഗ്ലൂര്‍, ഊട്ടി ഉള്‍പ്പെടെയുള്ള സ്ഥലങ്ങളില്‍ കൊണ്ടുപോയി പീഡിപ്പിച്ചെന്നാണ് യുവതി പൊലീസില്‍ നല്‍കിയ പരാതിയില്‍ പറയുന്നത്. പേരാമ്പ്രയില്‍ വച്ചും പീഡിപ്പിച്ചതായും തന്റെ അശ്ലീല ഫോട്ടോ ഉപയോഗിച്ച് ഭീഷണിപ്പെടുത്തിയതായും മൊഴിയിൽ പറയുന്നു. കോടതിയില്‍ ഹാജരാക്കിയ ഇയാളെ റിമാൻഡ് ചെയ്തു.