പത്തനംതിട്ട: കടമ്പനാട് യുവതി ആത്മഹത്യ ചെയ്ത സംഭവത്തിൽ യൂത്ത് കോൺഗ്രസ് നേതാവ് സുഹൈൽ അൻസാരിയെ പൊലീസ് കസ്റ്റഡിയിലെടുത്തു. ഈ മാസം 14-നാണ് 35 വയസ്സുകാരിയായ യുവതിയെ കടമ്പനാട്ടെ ഭർതൃവീട്ടിൽ തൂങ്ങിമരിച്ച നിലയിൽ കണ്ടെത്തിയത്. കൊല്ലം പോരുവഴി സ്വദേശിയാണ് സുഹൈൽ അൻസാരി.(Woman’s suicide, Youth Congress leader in custody)
യുവതിയുടെ മരണത്തിന് പിന്നാലെ ബന്ധുക്കൾക്ക് ലഭിച്ച ആത്മഹത്യാക്കുറിപ്പാണ് കേസന്വേഷണത്തിൽ വഴിത്തിരിവായത്. തന്റെ മരണത്തിന് കാരണം സുഹൈൽ ആണെന്ന് യുവതി കുറിപ്പിൽ വ്യക്തമാക്കിയിരുന്നു. ഇതിന്റെ അടിസ്ഥാനത്തിലാണ് പൊലീസ് സുഹൈലിനെ കസ്റ്റഡിയിലെടുത്തത്.
ഫെബ്രുവരി 14-ന് ഭർതൃവീട്ടിൽ വെച്ചാണ് യുവതി ജീവനൊടുക്കിയത്. അന്വേഷണം പുരോഗമിക്കുന്നു.
