കൊച്ചി : കോതമംഗലത്തെ 23കാരിയുടെ ആത്മഹത്യയിൽ ആൺസുഹൃത്തിനെ പോലീസ് കസ്റ്റഡിയിൽ എടുത്തു. ഇയാളെ ചോദ്യം ചെയ്തുവരികയാണ്. റമീസ് ആണ് പോലീസ് കസ്റ്റഡിയിൽ ഉള്ളത്. ഇയാളുടെ പീഡനമാണ് സോനയുടെ മരണത്തിന് കാരണം എന്നായിരുന്നു ആരോപണങ്ങൾ. (Woman commits suicide in Kochi)
ആൺസുഹൃത്തിൻ്റെയും കുടുംബത്തിൻ്റെയും പീഡനം മൂലമാണ് യുവതി ജീവനൊടുക്കിയത് എന്നാണ് നൽകിയ പരാതിയിൽ പറയുന്നത്. മരിച്ച സോനയെ മതം മാറാൻ നിർബന്ധിച്ചുവെന്നും, ആൺസുഹൃത്തിൻ്റെ വീട്ടിൽ കെട്ടിയിട്ട് ഉപദ്രവിച്ചുവെന്നുമാണ് ആത്മഹത്യ കുറിപ്പിൽ പറയുന്നത്. ഇത് കണ്ടെടുത്തിരുന്നു.
റമീസ് നെടുമ്പാശ്ശേരി വിമാനത്താവളത്തിലെ താൽക്കാലിക ജീവനക്കാരനാണ്. മരിച്ച സോന ടി ടി സി വിദ്യാർത്ഥി ആയിരുന്നു.