കൽപ്പറ്റ: ബസിൽ കഞ്ചാവുമായി വന്ന യുവതി മുത്തങ്ങ ചെക്ക്പോസ്റ്റിൽ പിടിയിൽ. വയനാട് വൈത്തിരി സ്വദേശിനി പ്രീതു ജി. നായരെയാണ് പിടികൂടിയത്. ഇവരുടെ കൈവശം 45 ഗ്രാം കഞ്ചാവ് ഉണ്ടായിരുന്നു.
ഉച്ചയ്ക്ക് 1.30 ഓടെ നടത്തിയ പരിശോധനയിലാണ് സംഭവം നടന്നത്. കെഎസ്ആര്‍ടിസി ബസിൽ കഞ്ചാവുമായി വരികയായിരുന്നു പ്രീതു ജി നായർ. മുത്തങ്ങ എക്സൈസ് ചെക്ക് പോസ്റ്റിലെ എക്സൈസ് ഇൻസ്പെക്ടർ കെ.ജെ സന്തോഷും സംഘവും ചേർന്നാണ് ചെക്ക് പോസ്റ്റിൽ ബസ് തടയുകയും തുടര്‍ന്ന് നടത്തിയ പരിശോധനയ്ക്കിടെ പരുങ്ങിയ പ്രീതുവിന്റെ കൈയ്യിൽ കഞ്ചാവ് പൊതി കണ്ടെത്തുകയുമായിരുന്നു.