Wild elephant : വാരിയെല്ലിനും തോളിനും പൊട്ടൽ : വയനാട്ടിൽ വീട്ടുമുറ്റത്ത് വച്ച് വയോധികന് നേരെ കാട്ടാനയുടെ ആക്രമണം

വയനാട് : കാട്ടിക്കുളത്ത് ജനവാസമേഖലയിൽ വയോധികനെ കാട്ടാന ആക്രമിച്ചു. വീട്ടുമുറ്റത്ത് വച്ചാണ് സംഭവം. നാട്ടിലിറങ്ങിയ ആനയെ തുരത്താൻ ശ്രമിക്കുന്നതിനിടെയാണ് ആക്രമണം. (Wild elephant attack in Wayanad)

പരിക്കേറ്റത് ചേലൂർ മണ്ണുണ്ടി ഉന്നതിയിലെ ചിന്നനാണ്. ഒച്ച കേട്ട് ലൈറ്റടിച്ചു നോക്കുന്നതിനിടെ ആന ആക്രമിക്കുകയായിരുന്നു. ഇയാളുടെ വാരിയെല്ലിനും തോളിനും ഒടിവുണ്ട്.

മാനന്തവാടി മെഡിക്കൽ കോളേജിലെ പ്രാഥമിക ചികിത്സയ്ക്ക് ശേഷം ഇയാളെ കോഴിക്കോട് മെഡിക്കൽ കോളേജിൽ പ്രവേശിപ്പിച്ചു.