വയനാട് : ബേഗൂർ റേഞ്ചിൽ കാട്ടാനയാക്രമണത്തിൽ 44കാരന് പരിക്ക്. പനവല്ലി മിൽക്ക് സൊസൈറ്റി കളക്ഷൻ സെൻ്ററിൽ നിന്നും പാൽപ്പാത്രം എടുത്ത് മടങ്ങിയ ലക്ഷ്മണനെയാണ് കാട്ടാന ആക്രമിച്ചത്. രാത്രിയാണ് സംഭവം. (Wild elephant attack in Wayanad)
പരിക്കേറ്റ ഇയാൾ ബോധം വന്നപ്പോൾ പുലർച്ചെയോടെ സ്വയം വീട്ടിലെത്തി. പിന്നാലെ ആശുപത്രിയിൽ എത്തിച്ചു. അപകട സ്ഥിതിയില്ലെന്നാണ് മാനന്തവാടി മെഡിക്കൽ കോളേജ് അധികൃതർ അറിയിച്ചത്. വനംവകുപ്പ് സ്ഥലത്ത് ജാഗ്രത നിർദേശം നൽകിയിട്ടുണ്ട്.