തിരുവനന്തപുരം : സംസ്ഥാനത്ത് ഈ മാസത്തെ സാമൂഹ്യ സുരക്ഷാ, ക്ഷേമനിധി പെൻഷനുകൾ 25 മുതൽ വിതരണം ചെയ്യും. ഇതിനായി 841 കോടി അനുവദിച്ചെന്നാണ് ധനമന്ത്രി കെ എൻ ബാലഗോപാൽ അറിയിച്ചിരിക്കുന്നത്.(Welfare pension distribution in Kerala)
62 ലക്ഷത്തോളം പേർക്കാണ് 1600 രൂപ വീതം ലഭിക്കുന്നത്. തുക 26.62 ലക്ഷം പേരുടെ ബാങ്ക് അക്കൗണ്ടിൽ എത്തും. മറ്റുള്ളവർക്ക് സഹകരണ ബാങ്ക് വഴി വീട്ടിലെത്തി തുക കൈമാറും.
കേന്ദ്ര സർക്കാരാണ് 8.46 ലക്ഷം പേർക്ക് കേന്ദ്ര വിഹിതം നൽകേണ്ടത്. എന്നാൽ, ഇതിന് ആവശ്യമായ 24. 21 കോടി രൂപയും സംസ്ഥാന സർക്കാർ മുൻ‌കൂർ അനുവദിച്ചിരിക്കുകയാണ് എന്നാണ് മന്ത്രി അറിയിച്ചത്.