തിരുവനന്തപുരം : വിഷുക്കൈനീട്ടമായി ക്ഷേമ പെൻഷൻ്റെ ഒരു ഗഡു കൂടി അനുവദിച്ചു. ഏപ്രിൽ മാസത്തെ പെൻഷനാണ് വിഷുവിന് മുൻപായി സാമൂഹ്യ സുരക്ഷ, ക്ഷേമനിധി പെൻഷൻ ഉപഭോക്താക്കൾക്ക് വിതരണം ചെയ്യുന്നത്. (Welfare pension)
ഇക്കാര്യം അറിയിച്ചത് ധനകാര്യ മന്ത്രി കെ എൻ ബാലഗോപാൽ ആണ്. 820 കോടി ഇതിനായി അനുവദിച്ചുവെന്നാണ് അദ്ദേഹം പറഞ്ഞത്. 1600 രൂപ വീതം 62 ലക്ഷം പേർക്ക് ലഭിക്കും.
ഇത് അടുത്ത ആഴ്ച്ച മുതൽ ലഭിച്ചു തുടങ്ങും. ബാങ്ക് അക്കൗണ്ടുകൾ വഴി 26 ലക്ഷത്തിലേറെ പേർക്കും, മറ്റുള്ളവർക്ക് സഹകരണ ബാങ്കുകൾ വഴി വീട്ടിലെത്തിയും തുക കൈമാറും.