ഒക്ടോബര്‍ മാസത്തെ ക്ഷേമപെന്‍ഷന്‍ അനുവദിച്ചു, തുക ഈ ആഴ്ച്ച തന്നെ കൈകളിലെത്തും: കെ എൻ ബാലഗോപാൽ | welfare pension
തിരുവനന്തപുരം: ഒക്ടോബർ മാസത്തെ ക്ഷേമപെൻഷൻ സാമൂഹ്യസുരക്ഷ, ക്ഷേമനിധി പെന്‍ഷന്‍ ഗുണഭോക്താക്കള്‍ക്ക് അനുവദിച്ചതായി അറിയിച്ച് ധനമന്ത്രി കെ എന്‍ ബാലഗോപാല്‍.(welfare pension)
1600 രൂപ വീതം 62 ലക്ഷത്തോളം പേര്‍ക്കാണ് ലഭിക്കുന്നത്. ഈ ആഴ്ച്ചയിൽ തന്നെ തുക കൈകളിൽ എത്തുമെന്ന് മന്ത്രി വ്യക്തമാക്കി. 26.62 ലക്ഷം പേരുടെ ബാങ്ക് അക്കൗണ്ടിലും, മറ്റുള്ളവര്‍ക്ക് സഹകരണ ബാങ്കുകള്‍ വഴിയുമാണ് പണം ലഭിക്കുന്നത്.
ഓണത്തിൻ്റെ ഭാഗമായി മൂന്നു ഗഡു പെൻഷൻ വിതരണമാണ് നടത്തിയതെന്നും, കഴിഞ്ഞ മാർച്ച് മാസം മുതൽ തന്നെ പ്രതിമാസ പെൻഷൻ വിതരണം ഉറപ്പാക്കിയിട്ടുണ്ടെന്നും പറഞ്ഞ മന്ത്രി, 32,100 കോടിയോളം രൂപ ഈ സർക്കാർ വന്ന ശേഷം ക്ഷേമ പെൻഷനായി വിതരണം ചെയ്തുവെന്നും വിശദീകരിച്ചു.
കേരളത്തിലാണ് ഇന്ത്യയിലെ ഏറ്റവും സമഗ്രമായ സാമൂഹ്യസുരക്ഷാ പെൻഷൻ പദ്ധതിയുള്ളതെന്നും അദ്ദേഹം കൂട്ടിച്ചേർത്തു. ഇതിൽ 98 ശതമാനവും കണ്ടെത്തുന്നത് സംസ്ഥാനമാണെന്നും, രണ്ടു ശതമാനം മാത്രമാണ് കേന്ദ്ര വിഹിതമെന്നും കെ എൻ ബാലഗോപാൽ വ്യക്തമാക്കി.