ഇടുക്കി: മുല്ലപ്പെരിയാർ അണക്കെട്ടിലെ ജലനിരപ്പ് ഇന്ന് രാവിലെ 140.10 അടിയായി ഉയർന്നു. ഇതോടെ ഡാം തുറക്കുന്നതിന് മുന്നോടിയായുള്ള ആദ്യ മുന്നറിയിപ്പ് തമിഴ്നാട് പൊതുമരാമത്ത് വകുപ്പ് കേരളത്തിന് കൈമാറി. ജലനിരപ്പ് 140.10 അടി, റൂൾ കർവ് പരിധി 142 അടി എന്നിങ്ങനെയാണ്.(Water level in Mullaperiyar dam crosses 140 feet, Tamil Nadu issues first warning)
തമിഴ്നാട് കൊണ്ടുപോകുന്ന വെള്ളത്തിന്റെ അളവ് സെക്കൻഡിൽ 1200 ഘനയടിയായി വർധിപ്പിച്ചിട്ടുണ്ട്. അതേസമയം, മഴ കുറഞ്ഞതിനാൽ അണക്കെട്ടിലേക്കുള്ള നീരൊഴുക്കിന്റെ ശക്തി കുറഞ്ഞിട്ടുണ്ട്. പരമാവധി സംഭരണ ശേഷിയായ 142 അടിയാണ് റൂൾ കർവ് പരിധി.