തിരുവനന്തപുരം : ഷാർജയിൽ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തിയ കൊല്ലം സ്വദേശിനി വിപഞ്ചികയുടെ ഇൻക്വസ്റ്റ് നടപടികൾ പൂർത്തിയായി. ഇവരുടെ ശരീരത്തിൽ ചതവുകളും അടിയേറ്റ പാടും ഉണ്ടെന്നാണ് ഇതിലൂടെ വ്യക്തമായത്. (Vipanchika death case)
വിദേശത്തുള്ള പ്രതിക്കായി ലുക്ക്ഔട്ട് നോട്ടീസ് പുറപ്പെടുവിക്കുമെന്ന് ഡി വൈ എസ് പി മുകേഷ് ജി ബി അറിയിച്ചു. അതേസമയം, മൃതദേഹം റീ പോസ്റ്റ്‌മോർട്ടം നടത്തി. തിരുവനന്തപുരം മെഡിക്കൽ കോളേജ് ആശുപത്രിയിലായിരുന്നു ഇത്.
നടപടികൾ പൂർണമായും വീഡിയോയിൽ ചിത്രീകരിച്ചിട്ടുണ്ട്. അഞ്ച് മണിയോടെ കേരളപുരത്തെ വീട്ടിലെത്തിച്ച് മൃതദേഹം സംസ്‌കരിക്കും. മകളുടെ സംസ്ക്കാര ചടങ്ങുകൾ ഷാർജയിൽ കഴിഞ്ഞിരുന്നു.