തിരുവനന്തപുരം: ഷൈൻ ടോം ചാക്കോയ്ക്കെതിരായ കേസിൽ അന്വേഷണവുമായി സഹകരിക്കുമെന്ന് നടി വിൻസി അലോഷ്യസ് അറിയിച്ചതായി മന്ത്രി എം ബി രാജേഷ്. ലഹരി ഉപയോഗിക്കുന്നവരോടൊപ്പം അഭിനയിക്കില്ലെന്ന വിൻസിയുടെ നിലപാട് ചലച്ചിത്രമേഖലയിലെ എല്ലാവരും സ്വീകരിക്കണമെന്നും വിൻസിയുടേത് ധീരമായ നിലപാടാണെന്നും മന്ത്രി പറഞ്ഞു.
നാടിനെ പൂർണമായും ലഹരിയിൽ നിന്നും മോചിപ്പിക്കുക എന്താണ് സർക്കാർ ലക്ഷ്യമെന്നും മന്ത്രി പറഞ്ഞു. "സിനിമ മേഖലയെന്നോ മറ്റു മേഖലകൾ എന്നോ വ്യത്യാസമില്ലാതെ നടപടിയെടുക്കും. സെലിബ്രിറ്റി എന്ന പരിഗണനയും ആർക്കും നൽകില്ല. ഉരുക്കു മുഷ്ടി കൊണ്ട് ലഹരിയെ സർക്കാർ അടിച്ചമർത്തും."- മന്ത്രി വ്യക്തമാക്കി.