പത്തനംതിട്ട: പത്തനംതിട്ടയിലെ കൊടുമൺ ബെവ്കോ (Bevco) ഔട്ട്ലെറ്റിൽ വിജിലൻസ് നടത്തിയ മിന്നൽ പരിശോധനയിൽ വ്യാപകമായ ക്രമക്കേടുകൾ കണ്ടെത്തി. മാനേജരുടെ മേശയ്ക്ക് അടിയിൽ നിന്ന് കണക്കിൽപ്പെടാത്ത പണം പിടിച്ചെടുത്തു.
കുറഞ്ഞ വിലയുള്ള മദ്യം കൂടിയ വിലയ്ക്ക് വിറ്റു എന്ന പരാതിയുടെ അടിസ്ഥാനത്തിലാണ് വിജിലൻസ് പരിശോധന നടത്തിയത്.
മദ്യത്തിൻ്റെ യഥാർത്ഥ വില മറച്ചുവെച്ച് അധികവില ഈടാക്കുന്ന തട്ടിപ്പ് മറച്ചുവെക്കാൻ ബില്ലുകൾ പൂഴ്ത്തിയതായി വിജിലൻസ് കണ്ടെത്തി. ഉപഭോക്താക്കൾക്ക് കൊടുക്കാതെ ഒളിപ്പിച്ചുവെച്ച നിരവധി ബില്ലുകളും വിജിലൻസ് പിടിച്ചെടുത്തു.
മാനേജരുടെ മേശയ്ക്ക് അടിയിൽ നിന്നാണ് കണക്കിൽപ്പെടാത്ത പണം കണ്ടെത്തിയത്.ഔട്ട്ലെറ്റിലെ സ്റ്റോക്ക് പരിശോധന അടക്കമുള്ള വിശദമായ അന്വേഷണം തുടരുമെന്ന് വിജിലൻസ് അറിയിച്ചു.