കാസർഗോഡ് : മൊഗ്രാലില്‍ ദേശീയപാത നിര്‍മാണപ്രവൃത്തികള്‍ക്കിടെ ക്രെയിന്‍ പൊട്ടിവീണ് രണ്ട് തൊഴിലാളികൾ മരിച്ചു. വടകര സ്വദേശികളായ അക്ഷയ്(30), അശ്വിന്‍(28) എന്നിവരാണ് മരിച്ചത്. ഊരാളുങ്കല്‍ ലേബര്‍ കോണ്‍ട്രാക്റ്റ് സൊസൈറ്റിയിലെ ജീവനക്കാരായിരുന്നു ഇരുവരും.
വ്യാഴാഴ്ച ഉച്ചയോടെ കാസര്‍കോട് മൊഗ്രാലില്‍ അപകടമുണ്ടായത്.പുതിയ ആറുവരിപ്പാതയില്‍ ലൈറ്റുകള്‍ സ്ഥാപിക്കുന്ന ജോലിയില്‍ ഏര്‍പ്പെട്ടിരിക്കുകയായിരുന്നു അക്ഷയും അശ്വിനും.
ഇതിനായി ക്രെയിനില്‍ ഉയര്‍ത്തിയ മാന്‍ ബാസ്‌കറ്റ് പൊട്ടി താഴേക്ക് പതിച്ചാണ് അപകടമുണ്ടായത്. അക്ഷയ് സംഭവ സ്ഥലത്ത് വച്ചുതന്നെ മരിച്ചു. ഗുരുതരമായി പരിക്കേറ്റ അശ്വിനെ മംഗലാപുരത്തെ ആശുപത്രിയില്‍ എത്തിച്ചെങ്കിലും മരണം സംഭവിച്ചു.