തിരുവനന്തപുരം : കാറിൽ കടത്തിക്കൊണ്ടുവന്ന എംഡിഎംഎയും കഞ്ചാവുമായി രണ്ടുപേർ അറസ്റ്റിൽ. തിരുവനന്തപുരം വിമാനത്താവളത്തിന് സമീപം ചിത്തിര നഗറിൽ ഷംനുവിനെയും (29), വെളളനാട് മിനിസിവിൽ സ്റ്റേഷനുസമീപം ദിലീപ് ഭവനിൽ ദിലീപനെയും (43) നെയ്യാറ്റിൻകര റേഞ്ച് എക്‌സൈസ് സംഘം പിടികൂടിയത്.
കാറിൽ നിന്നും 11.7 ഗ്രാം എംഡിഎംഎയും 26 ഗ്രാം കഞ്ചാവും കണ്ടെത്തി. ഇവർ ഉപയോഗിച്ചിരുന്ന കാർ, മൊബൈൽ ഫോൺ, ഇവരുടെ പക്കലുണ്ടായിരുന്ന 7200 രൂപ എന്നിവയും പിടിച്ചെടുത്തു. ഷംനുവിനെ മുൻപ് എംഡിഎംഎ കേസിൽ അറസ്റ്റിലായിട്ടുണ്ട്. കോട്ടുകാൽ ഉച്ചക്കട പുന്നക്കുളം മേഖലയിൽ വ്യാപകമായി മയക്കുമരുന്ന് വിൽപ്പനയുണ്ടെന്ന രഹസ്യ വിവരത്തെ തുടർന്ന് നടത്തിയ പരിശോധനയിലാണ് ഇവരെ പിടികൂടിയത്.