മലപ്പുറം: നിലമ്പൂരിൽ പനി ബാധിച്ച് ചികിത്സയിലായിരുന്ന പ്രാക്തന ഗോത്രവിഭാഗമായ ചോലനായ്ക്കർ വിഭാഗത്തിലെ യുവതി മരിച്ചു. കരുളായി ഉൾവനത്തിലെ കുപ്പമലയിൽ പാറ അളയിൽ താമസിക്കുന്ന സുസ്മിത (20) ആണ് മരിച്ചത്.(Tribal woman from died of fever in Nilambur)
സുസ്മിതയുടെ കുടുംബം കരുളായിയിൽ നിന്ന് ഏകദേശം 25 കിലോമീറ്റർ അകലെ ഉൾവനത്തിലെ കുപ്പമലയിൽ പാറ അളയിലാണ് കഴിയുന്നത്. മൂന്ന് ആഴ്ച മുമ്പാണ് സുസ്മിതയ്ക്ക് പനി ആരംഭിച്ചത്.
വെള്ളിയാഴ്ചയാണ് സുസ്മിതയെ ജില്ലാ ആശുപത്രിയിൽ പ്രവേശിപ്പിച്ചത്. ഇന്നലെ സുസ്മിതയുടെ രക്തസമ്മർദ്ദവും ശരീരത്തിലെ ഓക്സിജന്റെ അളവും കുറഞ്ഞു. തുടർന്ന് ഉടൻ തീവ്രപരിചരണ വിഭാഗത്തിലേക്ക് മാറ്റിയെങ്കിലും ജീവൻ രക്ഷിക്കാനായില്ല. ഉൾവനത്തിലെ ആദിവാസി വിഭാഗങ്ങൾക്ക് മതിയായ ആരോഗ്യപരിരക്ഷ ലഭിക്കുന്നതുമായി ബന്ധപ്പെട്ട് ഈ മരണം ആശങ്കയുയർത്തിയിട്ടുണ്ട്.