കോഴിക്കോട്: താമരശ്ശേരി ചുരത്തിൽ ലോറി കുടുങ്ങിയതിനെ തുടർന്ന് ഗതാഗത തടസ്സം രൂക്ഷമായി. ചുരം ഒൻപതാം വളവിലാണ് ലോറി കുടുങ്ങിയത്. കുടുങ്ങിയ ലോറി ഇതുവരെ പൂർണ്ണമായും മാറ്റാൻ സാധിച്ചിട്ടില്ല.(Traffic jam at Thamarassery Pass, Lorry gets stuck at the ninth bend)
നിലവിൽ വൺവേ സംവിധാനം ഏർപ്പെടുത്തി വാഹനങ്ങൾ ഭാഗികമായി കടത്തിവിടുന്നുണ്ട്. ലോറി മാറ്റുന്നതിനായി മെക്കാനിക്ക് സ്ഥലത്തെത്തിയിട്ടുണ്ട്.
ഗതാഗതക്കുരുക്കിനിടെ, രാവിലെ 9 മണിയോടെ ചുരം വളവുകൾ വീതികൂട്ടുന്നതിന്റെ ഭാഗമായുള്ള മരം മുറിച്ചു മാറ്റുന്ന ജോലികളും ആരംഭിച്ചിട്ടുണ്ട്. ഇത് ഗതാഗതത്തെ കൂടുതൽ ബാധിച്ചേക്കാം.