തൃശ്ശൂർ : തൃശ്ശൂർ ജില്ലയിലെ ചൊവ്വന്നൂരിൽ കഞ്ചാവുമായി യുവാവ് അറസ്റ്റിൽ. ചൊവ്വന്നൂര്‍ സ്വദേശി കൊട്ടിലിങ്ങല്‍ വീട്ടില്‍ വിബീഷി (35)നെയാണ് ജില്ലാ ലഹരി വിരുദ്ധ സ്‌ക്വാഡ് പിടികൂടിയത്. പ്രതിയുടെ ബാഗിലുണ്ടായിരുന്ന അര കിലോ കഞ്ചാവും പൊലീസ് കസ്റ്റഡിയിലെടുത്തു.
ചൊവ്വന്നൂര്‍ ബ്ലോക്ക് റോഡിലെ ത്രിവേണി ഗോഡൗണിന് സമീപത്ത് കഞ്ചാവ് വില്പന നടത്തുന്നതിനിടെയാണ് ഇയാൾ പിടിയിലായത്. വിബീഷിൻ്റെ ബാഗ് തുറന്നപ്പോൾ തന്നെ കഞ്ചാവ് കണ്ടെത്തി. പിന്നീട് തൂക്കി നോക്കിയപ്പോഴാണ് അര കിലോ ഭാരമുണ്ടെന്ന് വ്യക്തമായത്.