കൊച്ചി: എറണാകുളത്ത് എംഡിഎംഎയുമായി മൂന്ന് യുവാക്കൾ പിടിയിൽ.കാസർഗോഡ് കാസർകോട് ചെങ്കള റഹ്മത്ത് നഗർ പച്ചക്കാട് വീട്ടിൽ മുഹമ്മദ് അനസ് (21), പൊയ്‌നാച്ചി ചെറുകര വീട്ടിൽ ഖലീൽ ബദ്രുദീൻ (27), നുള്ളിപ്പാടി പിഎംഎസ് റോഡ് റിഫായ് മൻസിലിൽ എൻഎച്ച് റാബിയത്ത് എന്നിവരാണ് പിടിയിലായത്. ഇവരിൽ നിന്നും 15.91 ഗ്രാം എംഡിഎംഎ പിടിച്ചെടുത്തു. എറണാകുളം നോർത്ത് ചിറ്റൂർ റോഡ് അയ്യപ്പൻകാവിന് സമീപം ഡാൻസാഫ് ടീം നടത്തിയ പരിശോധനയിലാണ് പ്രതികൾ പിടിയിലായതെന്ന് നാർകോട്ടിക് സെൽ അസിസ്റ്റന്‍റ് കമ്മീഷണർ കെ.എ. അബ്ദുൽ സലാം അറിയിച്ചു.