കോട്ടയം : പാമ്പാടിയില്‍ നിയന്ത്രണം നഷ്ടമായ കാര്‍ റോഡരികിലെ മതിലില്‍ ഇടിച്ചുകയറി മൂന്നുവയസ്സുകാരി മരിച്ചു. മല്ലപ്പള്ളി സ്വദേശിനിയായ കീത്ത് (3) ആണ് മരണപ്പെട്ടത്.
ശനിയാഴ്ച വൈകീട്ട് പാമ്പാടി കുറ്റിക്കലില്‍ ആണ് അപകടം ഉണ്ടായത്. നിയന്ത്രണം നഷ്ടമായ കാർ റോഡില്‍ നിന്നും തെന്നിനീങ്ങി കുറ്റിക്കല്‍ സ്‌കൂളിനോട് ചേര്‍ന്ന മതിലില്‍ ഇടിക്കുകയായിരുന്നു. കാര്‍ ഓടിച്ച മല്ലപ്പള്ളി മാത്യു (68), ശോശാമ്മ മാത്യു (58), മെറിന്‍ (40), ടിനു (35), ടിയാന്‍ (9) എന്നിവര്‍ക്കാണ് പരിക്കേറ്റത്.
പരിക്കേറ്റ എല്ലാവരേയും അടുത്തുള്ള ആശുപത്രിയില്‍ എത്തിച്ചെങ്കിലും കുഞ്ഞിന്റെ ജീവന്‍ രക്ഷിക്കാനായില്ല.