ബിഗ് ബോസ് സീസൺ ഏഴ് അവസാനിക്കാൻ ഇനി 7 ദിവസം മാത്രം. ഫിനാലെ വീക്കിൽ ആരൊക്ക എത്തുമെന്നറിയാനുള്ള ആകാംഷയിലാണ് മത്സരാർത്ഥികളും പ്രേക്ഷകരും. നിലവിൽ എട്ട് മത്സരാർത്ഥികളാണ് വീട്ടിൽ ഉള്ളത്. അനീഷ്, ഷാനവാസ്, ആദില, അനുമോൾ, അക്ബർ, സാബുമാൻ, നെവിൻ, എന്നിവരാണ് ഈ ആഴ്ചത്തെ എവിക്ഷൻ നോമിനേഷനിൽ ഉള്ളത്. ഇതിൽ കഴിഞ്ഞ ദിവസം ഫിനാലെ വീക്കിൽ അനുമോൾ സേവ് ആയതായി മോഹൻലാൽ അറിയിച്ചിരുന്നു. ബാക്കിയുള്ളവരുടെ കാര്യം നാളെ അറിയിക്കാമെന്നും പറഞ്ഞിരുന്നു. ഇനിയുള്ള ആറ് പേരിൽ നിന്നാണ് എവിക്ഷൻ നടക്കുക. ഇതിൽ ഒരാൾ പുറത്ത് പോകും. അത് ആരാകും എന്നറിയാൻ ഇന്നത്തെ എപ്പിസോഡിനായി കാത്തിരിക്കണം.
എന്നാൽ ഇതിനിടെ ബിഗ് ബോസിന്റെ പുതിയ ഒരു പ്രെമോ സോഷ്യൽ മീഡിയയിൽ വൈറലാകുന്നുണ്ട്. പ്രെമോയിൽ ബാക്കിയുള്ള മത്സരാർത്ഥികളിൽ ആരൊക്കെയാണ് സേവ് ആയതെന്നും എവിക്ഷനിൽ ആരൊക്കെ ആണെന്നും മോഹൻലാൽ പറയുണ്ട്. പ്രെമോയിൽ 'അക്ബർ സേഫ്' എന്ന് മോഹൻലാൽ പറയുന്നുണ്ട്. ഇതിനു പിന്നാലെ അനീഷിനോട്, 'നിൽക്കണോ പോണോ?' എന്ന് ചോദിച്ചപ്പോൾ, 'എനിക്ക് ഇരിക്കണം' എന്നാണ് അനീഷ് പറയുന്നത്. ഇതോടെ, ഇരുന്നോളൂവെന്ന് മോഹൻലാൽ പറയുന്നുണ്ട്. 'അടുത്ത സുഹൃത്ത് അല്ലേ അരികത്ത് നിൽക്കുന്നത് അയാളെ പിടിച്ച് ഇരുത്താൻ തോന്നുന്നുണ്ടോ?' എന്ന് ഷാനവാസിനെ കുറിച്ച് മോഹൻലാൽ ചോദിക്കുമ്പോൾ, 'തീർച്ചയായും' എന്നാണ് അനീഷ് പറയുന്നത്. ഇതോടെ ഫിനാലെ വീക്കിൽ ഷാനവാസും സേഫ് ആയി.
ഇനിയുള്ളത് സാബുമാൻ, നെവിൻ, ആദില എന്നിവരാണ്. ഇവരിൽ ഒരാൾ ഇന്നത്തെ എവിക്ഷനിൽ പുറത്ത് പോകും. ഇതിനായി, ഇവരുടെ മൂന്ന് പേരുടെയും കണ്ണുകൾ അടച്ച് പ്രധാന വാതിലിന് പുറത്ത് ഹൗസിന് അഭിമുഖമായി നിര്‍ത്തിയിരിക്കുന്നത് പ്രൊമോയില്‍ കാണാം, പിന്നാലെ വാതില്‍ അടയുകയും ചെയ്യുന്നു. ശേഷം വാതില്‍ തുറക്കപ്പെടുമ്പോൾ എവിക്ഷനില്‍ നിന്നും രക്ഷപ്പെട്ടവർ അവിടെ ഉണ്ടാകും എന്നാണ് വീഡിയോയിലെ സൂചന. അത് ആരായിരിക്കുമെന്ന് അറിയാനുള്ള കാത്തിരിപ്പിലാണ് മറ്റ് മത്സരാര്ഥികളും പ്രേക്ഷകരും.