ആലപ്പുഴ : ഓണം ബമ്പറടിച്ചത് 'ഭാഗ്യവാന്' തന്നെയാണ്. തുറവൂർ സ്വദേശിയായ ശരത് എസ് നായർക്കാണ് 25 കോടിയുടെ ഒന്നാം സമ്മാനം. നെട്ടൂരിൽ നിന്നാണ് ഇയാൾ ടിക്കറ്റ് എടുത്തത്. (Thiruvonam Bumper first prize winner)
നെട്ടൂർ നിപ്പോൺ പെയിന്റ്സ് ജീവനക്കാരനാണ്. ഇയാൾ തുറവൂർ തൈക്കാട്ടുശേരി എസ് ബി ഐ ശാഖയിൽ ടിക്കറ്റ് ഹാജരാക്കിയിട്ടുണ്ട്. ടിക്കറ്റ് വിറ്റത് നെട്ടൂരിലെ ലോട്ടറി ഏജന്റ് ലതീഷ് ആണ്.
മറ്റു സീരീസുകളിലെ ടിക്കറ്റുകളും ഇയാൾ തന്നെയാണ് വിറ്റത്. ഇവയ്ക്ക് 5 ലക്ഷം രൂപ വീതം ലഭിക്കും. ലതീഷ് ടിക്കറ്റ് വാങ്ങിയത് തിരുവനന്തപുരം ആറ്റിങ്ങൽ ഭഗവതി ഏജൻസീസിന്റെ വൈറ്റില ശാഖയിൽ നിന്നാണ്. TH 577825 എന്ന നമ്പറിനാണ് ബമ്പറടിച്ചത്. നേരത്തെ നെട്ടൂർ സ്വദേശിനിക്കാണ് ബമ്പറടിച്ചതെന്ന് അഭ്യൂഹങ്ങൾ ഉണ്ടായിരുന്നു.