തിരുവനന്തപുരം: കലാപരമായി ഉയർന്ന നിലവാരം പുലർത്തുന്ന കുട്ടികൾ സാമ്പത്തികമായി പിന്നാക്കം ആയതുകൊണ്ട് ഒരുതരത്തിലും വിവേചനം ഉണ്ടാകാൻ പാടില്ലെന്ന് പൊതുവിദ്യാഭ്യാസ- തൊഴിൽ വകുപ്പ് മന്ത്രി വി. ശിവൻകുട്ടി വാർത്താ സമ്മേളനത്തിൽ വ്യക്തമാക്കി. സ്കൂള് തലം മുതല് സംസ്ഥാന തലം വരെ 10 ലക്ഷത്തോളം കുട്ടികള് സംസ്ഥാന സ്കൂള് കലോത്സവത്തിൽ പങ്കെടുക്കുന്നുണ്ട്. ആറുമാസത്തോളം നീണ്ടുനിൽക്കുന്ന പരിശീലനങ്ങളും തയാറെടുപ്പുകളുമാണ് ഓരോ മത്സരത്തിന്റെയും പിന്നിലുള്ളത്. ഓരോ സ്കൂളും മത്സരബുദ്ധിയോടെയാണ് വിദ്യാര്ത്ഥികളെ ഇതിനായി തയ്യാറെടുപ്പിക്കുന്നത്. അത്തരം ഘട്ടങ്ങളില് ചില കുട്ടികള്ക്കെങ്കിലും അത് സാമ്പത്തിക ബാധ്യതയായി തീരുന്നുണ്ട്. അത്തരം സാഹചര്യങ്ങള് ഒഴിവാക്കുന്നതിനും അനാവശ്യ ധാരാളിത്തം ഒരിടത്തും ഇല്ലാതിരിക്കാനും അധ്യാപകര് മുന്കൈ എടുക്കണമെന്നും വി ശിവൻകുട്ടി പറഞ്ഞു.
ഭാവി തലമുറയുടെ പ്രതിനിധികളായ കുഞ്ഞുങ്ങള് പങ്കെടുക്കുന്ന ഈ മഹോത്സവം മികച്ചകൂട്ടായ്മയുടെയും പരസ്പര ബഹുമാനത്തിന്റെയും സ്നേഹത്തിന്റെയും സഹോദര്യത്തിന്റെയും മികച്ച ഉദാഹരണമായി മാറേണ്ടത് പുതിയ കാലഘട്ടത്തിൽ അനിവാര്യമാണെന്നും അധ്യാപകരും കലാധ്യാപകരും തിരിച്ചറിഞ്ഞു പ്രവര്ത്തിക്കണമെന്നും അദ്ദേഹം ഓർമിപ്പിച്ചു.