മലപ്പുറം: ജില്ലയെ വിഭജിക്കണമെന്നല്ല, മറിച്ച് ഭരണപരമായ സൗകര്യത്തിനായി പുനഃക്രമീകരിക്കണമെന്നാണ് സമസ്ത പ്രമേയത്തിലൂടെ ആവശ്യപ്പെട്ടതെന്ന് എസ്.കെ.എസ്.എസ്.എഫ് സംസ്ഥാന വൈസ് പ്രസിഡന്റ്. വികസന കാര്യങ്ങളിൽ ജില്ല നേരിടുന്ന വലിയ അസന്തുലിതാവസ്ഥ പരിഹരിക്കാൻ ശാസ്ത്രീയമായ പഠനം നടത്തി പുതിയ ജില്ലകൾ രൂപീകരിക്കണമെന്നും അദ്ദേഹം ആവശ്യപ്പെട്ടു.(The resolution demanded that Malappuram be reorganized, not divided, SKSSF)
വിദ്യാഭ്യാസ, വികസന മേഖലകളിൽ മലപ്പുറം ജില്ല നേരിടുന്ന പിന്നാക്കാവസ്ഥയും ഭരണപരമായ പ്രതിസന്ധികളും ഒഴിവാക്കാൻ പുനഃക്രമീകരണം അനിവാര്യമാണ്. വിഭജനം എന്ന വാക്കിനെ രാഷ്ട്രീയമായി കാണാതെ, നാടിന്റെ വികസനം എന്ന അർത്ഥത്തിൽ കണ്ട് സർക്കാർ ശാസ്ത്രീയമായ പഠനം നടത്തണം.
ജില്ലയുടെ ജനസംഖ്യയും ഭൂമിശാസ്ത്രപരമായ പ്രത്യേകതകളും കണക്കിലെടുത്ത് വിഭവങ്ങൾ തുല്യമായി വിതരണം ചെയ്യാൻ പുനഃക്രമീകരണം സഹായിക്കും. ജമാഅത്തെ ഇസ്ലാമിയുടെ ആശയങ്ങൾ കേരളത്തിലെ ബഹുസ്വര സമൂഹത്തിന് യോജിച്ചതല്ലെന്ന് അദ്ദേഹം കുറ്റപ്പെടുത്തി.
