ആലപ്പുഴ: ശബരിമല യുവതീപ്രവേശന വിഷയത്തിൽ സംസ്ഥാന സർക്കാർ തിരുത്തേണ്ടത് തിരുത്തണമെന്ന് എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ. ശബരിമലയിലെ ആചാരങ്ങൾ മാറ്റപ്പെടേണ്ടതല്ലെന്നും യുവതീപ്രവേശനത്തെ സർക്കാർ സുപ്രീം കോടതിയിൽ എതിർക്കുമെന്നാണ് പ്രതീക്ഷിക്കുന്നതെന്നും അദ്ദേഹം പറഞ്ഞു.(The government should correct what needs to be corrected, Vellappally Natesan on Sabarimala women’s entry)
മുൻപ് പ്രവേശനത്തെ അനുകൂലിച്ച പലരും ഇന്ന് നിലപാട് മാറ്റിയിരിക്കുകയാണ്. ജനവികാരം സർക്കാർ കാണണമെന്നും അദ്ദേഹം ആവശ്യപ്പെട്ടു. കേരളത്തിലെ പ്രബുദ്ധരായ സ്ത്രീകൾ ശബരിമലയിലേക്ക് പോകില്ല.
പോകരുതെന്ന് മുൻപ് അപേക്ഷിച്ച വ്യക്തിയാണ് താൻ. ജി. സുകുമാരൻ നായറം അഭിപ്രായം പറഞ്ഞിട്ടുണ്ടെന്നും, ഇവയെല്ലാം കണക്കിലെടുത്ത് സർക്കാർ ഉചിതമായ തീരുമാനമെടുക്കട്ടെയെന്നും വെള്ളാപ്പള്ളി വ്യക്തമാക്കി.
