വയനാട് : യുവാവിനെ കൊലപ്പെടുത്താന് ശ്രമിച്ച കേസിൽ കൊടുംകുറ്റവാളി വയനാട്ടിൽ പിടിയില്. ബത്തേരി പാലപ്പട്ടി വീട്ടില് പി.എന്. സംജാദ് (32) നെയാണ് പൊലീസ് സാഹസികമായി പിടികൂടിയത്. കാപ്പ കേസിലെ പ്രതിയായ ഇയാള്ക്കെതിരെ കൊലപാതക ശ്രമം, അക്രമിച്ചു പരിക്കേല്പ്പിക്കല്, ആംസ് ആക്ട് തുടങ്ങി നിരവധി കേസുകളും നിലവിലുണ്ട്.
തിങ്കളാഴ്ച രാത്രിയാണ് ബത്തേരി ഐസക് ബാറിന് മുന്വശം വെച്ച് ബീനാച്ചി സ്വദേശിയെ സംജാദ് ക്രൂരമായി ആക്രമിച്ച് പരിക്കേല്പ്പിച്ചത്. സംജാദും ബീനാച്ചി സ്വദേശിയുമുള്പ്പെട്ട റിസോര്ട്ടില് അതിക്രമിച്ചു കയറി മര്ദിച്ച കേസുമായി ബന്ധപ്പെട്ട തര്ക്കമാണ് മര്ദനത്തിന് കാരണം. കൈമുട്ടിനും, കണ്ണിനും, ഷോള്ഡറിനും പരിക്കേറ്റ യുവാവ് അത്യസന്ന നിലയില് കോഴിക്കോട് മെഡിക്കല് കോളജില് ചികിത്സയിലാണ്.