ഇടുക്കി: ദുര്‍ഗാഷ്ടമിയോട് അനുബന്ധിച്ച പൊതുഅവധി ദിനമായ നാളെ സ്‌കൂളിലെത്താന്‍ വിദ്യാര്‍ത്ഥികള്‍ക്ക് നിര്‍ദേശം നല്‍കി സ്‌കൂള്‍ പ്രിന്‍സിപ്പൾ. മൂന്നാര്‍ കൊരണ്ടിക്കാട് കര്‍മ്മല്‍ഗിരി സിഎംഐ പബ്ലിക് സ്‌കൂള്‍ പ്രിന്‍സിപ്പലാണ് നിര്‍ദേശം നല്‍കിയത്. സര്‍ക്കാര്‍ നാളെ പൊതുഅവധി പ്രഖ്യാപിച്ചിരിക്കെയാണ് വിചിത്ര നിര്‍ദേശം.
വാട്‌സ്ആപ്പ് ഗ്രൂപ്പിലാണ് പ്രിന്‍സിപ്പല്‍ വിദ്യാര്‍ത്ഥികളോട് നാളെ സ്‌കൂളിലെത്താന്‍ നിര്‍ദേശം നല്‍കിയത്. പരീക്ഷയില്ലാത്ത വിദ്യാര്‍ത്ഥികള്‍ക്ക് സാധാരണ പോലെ ക്ലാസുകള്‍ നടക്കും.ടേം എക്‌സാം മുടങ്ങാതിരിക്കാനാണ് തീരുമാനം എന്ന് പിടിഎ പ്രസിഡന്റ് സാജു കുഞ്ഞുമോന്‍ അറിയിച്ചു.